സൗദിയ്ക്ക് നേരെ വീണ്ടും ഹൂതി ആക്രമണ ശ്രമം.റിയാദിൽ 3 ബാലിസ്റ്റിക് മിസൈലുകൾ തകർത്തതായി സഖ്യസേന സ്ഥിരീകരിച്ചു. യെമനിലെ ഹൂതികളുടെ നിയന്ത്രണത്തിലുള്ള ഹൊദൈദ തുറമുഖവും സനയും ആക്രമിച്ചതായി സൗദി നേതൃത്വത്തിലുള്ള സഖ്യസേന വ്യക്തമാക്കി. മറുപടിയായി സൗദിയിലെ ഊർജ കേന്ദ്രങ്ങളും, ജിദ്ദ ഉൾപ്പെടെയുള്ള ചെങ്കടൽ തുറമുഖങ്ങളും റിയാദിന്റെ സാമ്പത്തിക കേന്ദ്രവും ആക്രമിക്കുമെന്ന് ഹൂതികളുടെ മുന്നറിയിപ്പുണ്ട്. ഇറാനെ വീണ്ടും ആക്രമിച്ചാൽ ശത്രു എവിടെയായിരുന്നാലും അവിടെ ഇറാൻ മിസൈൽ ആക്രമണങ്ങൾ നടത്തുമെന്നും ശത്രുരാജ്യങ്ങളിലെ അടിസ്ഥാന സൗകര്യങ്ങൾ ആക്രമിക്കുമെന്നും ഐ ആർ ജി സി പറഞ്ഞു.

ഹൂതികൾക്കെതിരെ സൈനിക നടപടി ശക്തമാക്കുകയാണ് സഖ്യസേന. സൗദി അറേബ്യയിലെയും യമനിലെയും സാധാരണ ജനങ്ങളെ സംരക്ഷിക്കാൻ ലക്ഷ്യമിട്ടാണ് പ്രത്യേക സൈനിക നടപടി ആരംഭിച്ചതെന്ന് സഖ്യസേന അറിയിച്ചു.സന, സഅദ, തായിസ് പ്രവിശ്യകളിലെ സൈനിക ലക്ഷ്യങ്ങൾ തകർക്കാനുള്ള സൈനിക നടപടി തുടരുകയാണ്. അതിനിടെ ഹുദൈദ തുറമുഖത്ത് നിന്ന് ഒഴിഞ്ഞു പോകാൻ സാധാരണക്കാരോട് സഖ്യസേന നിർദേശം നൽകി. സഖ്യസേന പുറത്തുവിട്ട മാപ്പിൽ അടയാളപ്പെടുത്തിയ ഭാഗത്ത് നിന്ന് ഒഴിഞ്ഞു പോകാനാണ് നിർദേശം. ഈ ഭാഗത്ത് ആക്രമണം കൂടുതൽ ശക്തമാക്കുന്നതിന്റെ മുന്നോടിയായാണ് ഈ മുന്നറിയിപ്പ് എന്നാണ് സൂചന.

Leave a Reply

Your email address will not be published. Required fields are marked *