കോട്ടയത്ത് പങ്കാളിയെ കൈമാറിയ കേസില് ചങ്ങനാശ്ശേരി സ്വദേശിനിയുടെ പരാതിയിൽ ബലാത്സംഗത്തിന് കേസെടുത്ത് പോലീസ്. . എന്നാല് കോട്ടയത്തേത് ഒറ്റപ്പെട്ട സംഭവമാണെന്നും സെക്സ് റാക്കറ്റുമായി ബന്ധമില്ലെന്നും കോട്ടയം എസ് പി ഡി. ശില്പ പറഞ്ഞു.
ഭര്ത്താവിനെതിരെ പരാതി നല്കിയത് സഹികെട്ടാണെന്ന് നേരത്തെ യുവതി പറഞ്ഞിരുന്നു. ഭര്ത്താവ് നിരന്തരം ശല്യം ചെയ്തു കൊണ്ടിരുന്നെന്നും രണ്ട് വര്ഷം താൻ സഹിച്ചെന്നും യുവതി പറഞ്ഞു. . ഒരേസമയം ഒന്നിലധികം ആളുകളുമായി ബന്ധപ്പെടാന് ഭര്ത്താവ് നിര്ബന്ധിച്ചെന്നും. ബന്ധത്തില് നിന്ന് പിന്മാറാന് വീട്ടുകാര് നിരവധി തവണ ആവശ്യപ്പെട്ടു. അപ്പോള് ഭര്ത്താവ് ആത്മഹത്യ ചെയ്യുമെന്ന് ഭീഷണിപ്പെടുത്തിയതായും യുവതി വ്യക്തമാക്കി. ഭര്ത്താവ് പണത്തിന് വേണ്ടി തന്നെ ഉപയോഗിച്ചിരുന്നതായും യുവതി പൊലീസിനോട് വെളിപ്പെടുത്തിയിരുന്നു. ഈ പരാതിയുടെ അടിസ്ഥാനത്തിലാണ് ബലാത്സംഗത്തിന് കേസെടുത്തത്. 9 പേര് ചേര്ന്നാണ് പെണ്കുട്ടിയെ പീഡിപ്പിച്ചത്.
കപ്പിള്സ് സ്വാപ്പിംഗ് ഗ്രൂപ്പുകളിലെ അംഗങ്ങളെ കേന്ദ്രീകരിച്ച് സംസ്ഥാന വ്യാപകമായിട്ടാണ് പൊലീസ് അന്വേഷണം നടക്കുന്നത്. ചങ്ങനാശേരി സ്വദേശിനിയുടെ പരാതിയില് ഇനിയും മൂന്ന് പേര് കൂടി പിടിയിലാകാനുണ്ട്. ഇതില് വിദേശത്തേക്ക് കടന്ന പ്രതിയെ നാട്ടിലെത്തിക്കാന് പൊലീസ് ശ്രമം ആരംഭിച്ചു. പരാതിക്കാരിയുടെ ഭര്ത്താവ് ഉള്പ്പെടെ ആറുപേരെ 14 ദിവസത്തേക്ക് കോടതി റിമാന്ഡ് ചെയ്തിരിക്കുകയാണ്.
