സില്വര് ലൈന് പദ്ധതിയുടെ സര്വേയുമായി സര്ക്കാരിന് മുന്നോട്ട് പോകാമെന്ന് ഹൈക്കോടതി. സര്വേ നടപടികള് തടഞ്ഞ സിംഗിള് ബെഞ്ച് ഉത്തരവ് ഡിവിഷന് ബെഞ്ച് റദ്ദാക്കി. ചീഫ് ജസ്റ്റിസ് അധ്യക്ഷനായ ബെഞ്ചിന്റേതാണ് ഉത്തരവ്.സിൽവർ ലൈൻ പദ്ധതിയുമായി ബന്ധപ്പെട്ട് തങ്ങളുടെ ഭൂമിയില് സര്വേ നടത്തുന്നത് തടയണമെന്നാവശ്യപ്പെട്ട് ചിലര് നല്കിയ ഹര്ജിയില് നേരത്തെ ജസ്റ്റിസ് ദേവന് രാമചന്ദ്രന്റെ സിംഗിള് ബെഞ്ച് നല്കിയ സ്റ്റേ ഡിവിഷന് ബെഞ്ച് റദ്ദാക്കി.
പരാതിക്കാരുടെ ഭൂമിയില് സര്വേ നടപടികള് തടഞ്ഞ ഉത്തരവാണ് ഹൈക്കോടതി ഡിവിഷന് ബെഞ്ച് റദ്ദാക്കിയിരിക്കുന്നത്. പരാതിക്കാരുടെ ഭൂമിയിലും സര്വേ നടപടികളുമായി സര്ക്കാരിന് മുന്നോട്ട് പോകാം.
ഡി.പി.ആര് വിശദാംശങ്ങള് അറിയിക്കണമെന്ന് സിംഗിള് ബെഞ്ച് നിര്ദേശിച്ചിരുന്നു. ഈ നിര്ദേശവും ഡിവിഷന് ബെഞ്ച് ഒഴിവാക്കി.
