. ഇറങ്ങി ദിവസങ്ങൾക്കുള്ളിൽ തന്നെ പുതിയ റെക്കോർഡ് സൃഷ്ടിച്ച് ബീസ്റ്റിലെ അറബി കുത്ത്. തെന്നിന്ത്യയില് ഏറ്റവും വേഗത്തില് 100 മില്യണ് വ്യൂ ലഭിക്കുന്ന വീഡിയോ ഗാനം എന്ന റെക്കോര്ഡാണ് അറബിക് കുത്ത് സ്വന്തമാക്കിയത് . 15 ദിവസങ്ങൾ കൊണ്ടാണ് ഗാനത്തിന്റെ ഈ നേട്ടം.
ധനുഷ് നായകനായ ചിത്രം മാരി 2വിലെ ‘റൗഡി ബേബി’ യുടെ റെക്കോർഡാണ് അറബി കുത്ത് മറികടന്നിരിക്കുന്നത്. റൗഡി ബേബി 18 ദിവസം കൊണ്ടായിരുന്നു 100 മില്യണ് കടന്നത്. വിജയ് നായകനായ മാസ്റ്ററിലെ ‘വാത്തി കമിങ്ങ്’ എന്ന ഗാനമാണ് മൂന്നാം സ്ഥാനത്ത് ഉള്ളത്.
ശിവകാര്ത്തികേയൻ വരികൾ എഴുതി അനിരുദ്ധ് രവിചന്ദറാണ് ഒരുക്കിയ അറബി കുത്ത് അനിരുദ്ധ് രവിചന്ദറും ജോനിക ഗാന്ധിയും ചേർന്നാണ് പാടിയിരിക്കുന്നത്.
ഡോക്ടറിന് ശേഷം നെൽസൺ ദിലീപ്കുമാർ സംവിധാനം ചെയ്യുന്ന ചിത്രമാണ് ബീസ്റ്റ്. വിജയ്ക്ക് പുറമെ ചിത്രത്തില് പൂജ ഹെഡ്ജാണ് നായിക. ഒൻപത് വര്ഷത്തിന് ശേഷം പൂജ ചെയ്യുന്ന തമിഴ് ചിത്രമാണ് ബീസ്റ്റ്. വേട്ടൈക്കാരൻ, സുറ, സര്ക്കാര് എന്നീ ചിത്രങ്ങൾക്ക് ശേഷം സണ് പിക്ച്ചേഴ്സുമായ് വിജയ് ഒന്നിക്കുന്ന ചിത്രമാണ് ബീസ്റ്റ്
മലയാളി താരങ്ങളായ ഷൈൻ ടോം ചാക്കോയും അപർണ ദാസും ചിത്രത്തിൽ എത്തുന്നുണ്ട്. സംവിധായകൻ ശെൽവരാഘവനും ബീസ്റ്റിൽ അഭിനയിക്കുന്നുണ്ട്. ഷൈൻ ആദ്യമായിട്ടാണ് തമിഴ് ചിത്രത്തിൽ അഭിനയിക്കുന്നത്. മൂന്ന് പ്രതിനായകൻമാരാണ് ചിത്രത്തിൽ ഉള്ളത്.
