കൊച്ചി മെട്രോ നിർമ്മാണത്തിൽ പിശകു പറ്റിയതായി ഇ ശ്രീധരൻ. പത്തടിപ്പാലത്ത് കൊച്ചി മെട്രോ പാളത്തില് ചരിവ് കണ്ടെത്തിയതുമായി ബന്ധപ്പെട്ട ചോദ്യത്തിന് മറുപടി നൽകുകയായിരുന്നു ഇ ശ്രീധരൻ കൊച്ചി മെട്രോയുടെ പാളത്തിലെ ചരിവിന് കാരണം പൈലിങ്ങിലെ വീഴ്ചയെന്നാണ് വിലയിരുത്തൽ. ചരിഞ്ഞ തൂണിന്റെ പൈലിങ് ഭൂമിക്കടിയിലെ പാറയിൽ തൊട്ടിട്ടില്ലെന്നാണ് കണ്ടെത്തൽ. പത്തടിപ്പാലത്തെ പില്ലർ നമ്പർ 347 നാണ് ചെരിവ് കണ്ടെത്തിയത്. ജിയോ ടെക്നിക്കൽ പഠനത്തിലാണ് വീഴ്ച ശ്രദ്ധയിൽപ്പെട്ടത്.
പത്തടിപ്പാലത്തെ 347-ാം നമ്പര് പില്ലറിന്റെ നിര്മ്മാണത്തിലെ വീഴ്ച ഡിഎംആര്സി പരിശോധിക്കും. എങ്ങനെ പിശകുവന്നെന്ന് വ്യക്തമല്ലെന്നും ശ്രീധരന് കൂട്ടിച്ചേര്ത്തു. അതിനിടെ, പത്തടിപ്പാലത്തെ പില്ലറിന്റെ അടിത്തറ ബലപ്പെടുത്തുന്ന ജോലികള് അടുത്ത ആഴ്ച ആദ്യം ആരംഭിക്കും.തൂണിന് അധിക പൈലുകള് സ്ഥാപിച്ചുകൊണ്ടാണ് ബലപ്പെടുത്തുന്നത്. ഡിഎംആര്സി, എല്ആന്ഡ്ടി, എയ്ജിസ്, കെഎംആര്എല് എന്നിവയുടെ നേതൃത്വത്തിലാണ് പ്രവൃത്തികള് ആരംഭിക്കുന്നത്. എല്ആന്ഡ്ടിക്കാണ് നിര്മാണ ചുമതല.കൊച്ചി മെട്രോ നിർഒരുമാസം മുമ്പാണ് പാലത്തിന് ചരിവുണ്ടെന്ന് കണ്ടെത്തിയത്. തുടര്ന്ന് ഡിഎംആര്സിയുടെ മുഖ്യഉപദേശകനായിരുന്ന ഇ ശ്രീധരന് ഉള്പ്പെടെയുള്ള വിദഗ്ധര് പരിശോധന നടത്തിയിരുന്നു. പിന്നീട് ചരിവിനുള്ള കാരണം കണ്ടെത്താനായി അള്ട്രാ സോണിത് ടെസ്റ്റും സോയില് ബോര് ടെസ്റ്റും നടത്താന് ബന്ധപ്പെട്ടവര്ക്ക് നിര്ദേശം നല്കിയിരുന്നു. പരിശോധന ഫലം കാത്തുനില്ക്കാതെ അടിയന്തരമായ മറ്റൊരു പൈലിങ് നടത്തി പാലത്തെ ബപ്പെടുത്തണമെന്നും അദ്ദേഹം നിര്ദേശിച്ചിരുന്നു.
