വൻ ഹൈപ്പോടെ പ്രദർശനത്തിന് എത്തിയ ചിത്രമായിരുന്നു വിജയ് ദേവേരക്കൊണ്ടയെ നായകനാക്കി പുരി ജഗന്നാഥ് സംവിധാനം ചെയ്ത ലൈഗര്.ചിത്രത്തിന്റെ പരാജയത്തിൽ വിജയ് ദേവരക്കൊണ്ടയെ വിമർശിച്ച് പ്രമുഖ തിയേറ്ററുടമയായ മനോജ് ദേശായി രംഗത്തെത്തിയത് ഏറെ ശ്രദ്ധനേടിയിരുന്നു. ഇപ്പോഴിതാ മനോജ് ദേശായിയെ സന്ദർശിച്ചിരിക്കുകയാണ് വിജയ് ദേവരക്കൊണ്ട. നടനെക്കുറിച്ച് നടത്തിയ പരാമർശത്തിൽ മനോജ് ദേശായി ക്ഷമ ചോദിക്കുകയും ചെയ്തിട്ടുണ്ട്.’അദ്ദേഹം വിനയമുള്ള നല്ല മനുഷ്യനാണ്. നല്ലൊരു ഭാവിയുണ്ട്. അദ്ദേഹത്തിന്റെ എല്ലാ സിനിമകളും ഇനി ഞാന് സ്വീകരിക്കും. ഞാന് രണ്ട് നടന്മാരോട് മാത്രമേ മാപ്പ് പറഞ്ഞിട്ടുള്ളു. ഒരാള് അമിതാഭ് ബച്ചനും മറ്റേയാള് വിജയ് ദേവരകൊണ്ടയും’- മനോജ് ദേശായി പറഞ്ഞു.കഴിഞ്ഞ ദിവസമായിരുന്നു മനോജ് ദേശായി നടനെതിരെ വിമർശനവുമായി എത്തിയത്. സിനിമയുമായി ബന്ധപ്പെട്ട് നടന്ന വാര്ത്താസമ്മേളനത്തില് വിജയ് മേശയ്ക്ക് മുകളില് കാലുകയറ്റി വച്ചതിന് ലൈഗർ ബഹിഷ്കരിക്കണമെന്ന തരത്തില് ആഹ്വാനമുയര്ന്നിരുന്നു. എന്നാൽ ബഹിഷ്കരണ ക്യാംപെയ്ന് നടക്കുമ്പോള് ഞങ്ങളുടെ സിനിമ ബഹിഷ്കരിച്ചോളൂ, എന്ന് വിജയ് പറഞ്ഞു എന്നും ഇതാണ് സിനിമയ്ക്ക് തിരിച്ചടിയായതെന്നുമാണ് മനോജ് ദേശായി ആരോപിച്ചത്.
