വയനാട്ടില് നിന്നു കാണാതായ സിഐയെ തിരുവനന്തപുരത്തുനിന്ന് കണ്ടെത്തി.തിങ്കളാഴ്ചയാണ് പാലക്കാട് ഫാസ്റ്റ് ട്രാക്ക് സ്പെഷ്യല് കോടതിയിലേക്ക് കോര്ട്ട് എവിഡന്സ് ഡ്യൂട്ടിക്കായി പോയ വയനാട് പനമരം സ്റ്റേഷൻ ഹൌസ് ഓഫിസറായ കെ എ എലിസബത്തിനെ (54) കാണാതായത്.എലിസബത്ത് തിരുവനന്തപുരത്തെ സുഹൃത്ത് റിട്ട. വനിതാ എസ് ഐയുടെ ഫ്ലാറ്റിലുണ്ടെന്ന് പൊലീസ് അറിയിച്ചു. നേരത്തെ സിസിടിവി ദൃശ്യങ്ങള് പരിശോധിച്ചതിന്റെ അടിസ്ഥാനത്തില് എലിസബത്ത് പാലക്കാട്ട് എത്തിയതായി പൊലീസ് സ്ഥിരീകരിച്ചിരുന്നു. തുടര്ന്ന് നടത്തിയ അന്വേഷണത്തിലാണ് തിരുവനന്തപുരത്ത് നിന്ന് എലിസബത്തിനെ കണ്ടെത്തിയത്. എലിസബത്തിനെ കാണാതായതിനെ തുടർന്ന് മാനന്തവാടി ഡിവൈഎസ്പിയുടെ നേതൃത്വത്തിലുള്ള പൊലീസ് സംഘം അന്വേഷണം നടത്തി വരികയായിരുന്നു. അവസാനമായി ഫോണില് സംസാരിച്ച വ്യക്തിയോട് താന് കല്പറ്റയിലാണെന്നാണ് പറഞ്ഞിരുന്നത്. എന്നാല്, അവിടെ കണ്ടെത്താന് കഴിഞ്ഞിരുന്നില്ല.ഫോണുകൾ രണ്ടും സ്വിച്ച്ഓഫ് ആയിരുന്നു.
