കരിപ്പൂര് വിമാനത്താവളത്തിന് സമീപം വിദേശ വനിത പീഡനത്തിന് ഇരയായെന്ന് പരാതി. കരിപ്പൂരിലെത്തിയ കൊറിയന് വനിതയാണ് പീഡിപ്പിക്കപ്പെട്ടത്. പരാതിയില് കോഴിക്കോട് ടൗണ് പൊലീസ് കേസെടുത്തു.കോഴിക്കോട് മെഡിക്കല് കോളജിലെ ഡോക്ടറോടാണ് യുവതി പീഡനവിവരം പറഞ്ഞത്. ഡോക്ടറുടെ മൊഴിയുടെ അടിസ്ഥാനത്തിലാണ് പൊലീസ് കേസെടുത്തത്.ചികിത്സയിലുള്ള യുവതിയുടെ മൊഴി മജിസ്ട്രേറ്റ് ഇന്ന് രേഖപ്പെടുത്തും. കൂടുതൽ വിവരങ്ങൾ യുവതി മജിസ്ട്രേറ്റിന് മുന്നിൽ മൊഴിയായി നൽകും.ടൂറിസ്റ്റ് വിസയില് കോഴിക്കോട്ട് എത്തിയ കൊറിയന് യുവതി നാട്ടിലേക്ക് തിരിച്ചുപോകാനായാണ് വെള്ളിയാഴ്ച കരിപ്പൂര് വിമാനത്താവളത്തില് എത്തിയത്. എന്നാല് ഇവരുടെ കൈവശം ടിക്കറ്റ് ഇല്ലായിരുന്നു. തുടര്ന്ന് നാട്ടിലേക്ക് പോകണമെന്ന് ആവശ്യപ്പെട്ട യുവതിയെ സുരക്ഷാഉദ്യോഗസ്ഥര് തടഞ്ഞ് പോലീസിന് കൈമാറി.വൈദ്യപരിശോധനക്ക് മെഡിക്കൽ കോളേജിലെത്തിച്ചപ്പോഴാണ് യുവതി, താൻ കരിപ്പൂരിൽ വെച്ച് പീഡിപ്പിക്കപ്പെട്ടെന്ന് ഡോക്ടറോട് വെളിപ്പെടുത്തിയത്. ഡോക്ടറുടെ മൊഴിയുടെ അടിസ്ഥാനത്തിലാണ് പൊലീസ് കേസെടുത്തത്. പരാതിയില് കൂടുതല് അന്വേഷണം ആവശ്യമെന്ന് പൊലീസ് വ്യക്തമാക്കി. ആശുപത്രിയില് നടത്തിയ വൈദ്യപരിശോധനയിലും പീഡനം സ്ഥിരീകരിച്ചു. ഇതോടെ വൈദ്യപരിശോധ റിപ്പോര്ട്ടിന്റെ അടിസ്ഥാനത്തില് കോഴിക്കോട് ടൗണ് പോലീസ് കേസെടുക്കുകയായിരുന്നു.
