പ്രഭാസിന്റെ മാസ് എന്റെർടെയ്നർ സലാറിൽ റോക്കി ഭായ് ഉണ്ടാകുമോ എന്നുള്ള പ്രേക്ഷക ചോദ്യങ്ങൾക്ക് വിരാമമിട്ടുകൊണ്ട് ചിത്രത്തിന്റെ അണിയറപ്രവർത്തകർ. ചിത്രത്തിത്തിൽ അഥിതി താരമായി യാഷ് എത്തുമെന്ന് സിനിമയുടെ അടുത്ത വൃത്തങ്ങൾ അറിയിച്ചു. ക്ലൈമാക്സ് രംഗത്തായിരിക്കും യാഷ് എത്തുക. യാഷിനെ കൂടാതെ പൃഥ്വിരാജ് കൂടി അഥിതി വേഷത്തിൽ എത്തുന്നുണ്ട്.
കെ ജി എഫ് സംവിധായകനായ പ്രകാശ് നീൽ സംവിധാനം നിർവഹിക്കുന്ന ചിത്രമാണ് സലാർ. ഇതിൽ യാഷ് കൂടി വരുന്നതോടെ നീൽ യൂണിവേഴ്സിനുള്ള സാധ്യത ഉറപ്പിക്കുകയാണ് പ്രേക്ഷകർ
പ്രശാന്ത് നീലും ഹോംബാലെ ഫിലിംസും ചേര്ന്നുള്ള മൂന്നാമത്തെ ചിത്രമാണ് സലാർ. രവി ബസ്റൂർ സംഗീത സംവിധാനം നിർവഹിക്കുന്ന ചിത്രത്തിന്റെ ഛായാഗ്രാഹകന് ഭുവന് ഗൗഡയാണ്. ആദ്യ എന്ന നായികാ കഥാപാത്രത്തിനെ അവതരിപ്പിക്കുന്നത് ശ്രുതി ഹാസനാണ്. സെപ്റ്റംബർ 28-ന് ചിത്രം റിലീസാകും.
