എലത്തൂർ ട്രെയിൻ ആക്രമണക്കേസിൽ പ്രതിയായ നോയിഡ സ്വദേശി ഷാരൂഖ് സെയ്ഫി പോലീസ് പിടിയിൽ. നേരത്തെ, പ്രതിയുടെ ഫോണിന്റെ ഐ.എം.ഇ.എ കോഡിൽ നിന്ന് ലഭിച്ച വിവരം അടിസ്ഥാനമാക്കി ഇയാൾ നോയിഡ സ്വദേശിയാണെന്ന് പൊലീസ് തിരിച്ചറിഞ്ഞിരുന്നു. കണ്ണൂരിൽ നിന്നാണ് പ്രതിയെ പിടികൂടിയത്.
പ്രതി കണ്ണൂർ ജില്ലാ ആശുപത്രിയിൽ ചികിത്സ തേടിയിരുന്നുവെന്ന നിർണായക വിവരവും പൊലീസിന് ലഭിച്ചിരുന്നു.പ്രതിയെ കുറ്റകൃത്യത്തിലേക്ക് നയിച്ച സാഹചര്യം, ആക്രമണത്തിന് മാറ്റാരുടെയെങ്കിലും സഹായമുണ്ടായിരുന്നോ, വിഘടനാ സ്വഭാവമുള്ള സംഘടനകളുടെ സ്വാധീനമുണ്ടോയെന്നതടക്കമുള്ള ഇവരങ്ങൾ ലഭിക്കാൻ വേണ്ടി പോലീസ് വിശദമായി ചോദ്യം ചെയ്തു വരികയാണ്.
