മലപ്പുറം താനൂരിലുണ്ടായ ബോട്ടപകടത്തെക്കുറിച്ച് ജസ്റ്റിസ് (റിട്ട.) വി.കെ. മോഹനന് ചെയര്മാനായ ജുഡീഷ്യല് കമ്മിഷന് അന്വേഷിക്കും. നീലകണ്ഠന് ഉണ്ണി (റിട്ട. ചീഫ് എഞ്ചിനീയര്, ഇന്ലാന്റ് വാട്ടര്വേയ്സ് അതോറിറ്റി ഓഫ് ഇന്ത്യ), സുരേഷ് കുമാര് (ചീഫ് എഞ്ചിനീയര്, കേരള വാട്ടര്വേയ്സ് ആന്റ് ഇന്ഫ്രാസ്ട്രക്ചര് ലിമിറ്റഡ്) എന്നീ സാങ്കേതിക വിദഗ്ധര് കമ്മീഷന് അംഗങ്ങളായിരിക്കും.
നേരത്തെ, ദുരന്തത്തിൽ മരിച്ചവരുടെ അനന്തരാവകാശികൾക്ക് മുഖ്യമന്ത്രിയുടെ ദുരിതാശ്വാസനിധിയില് നിന്ന് 10 ലക്ഷം രൂപാവീതം ധന സഹായം പ്രഖ്യാപിച്ചിരുന്നു. പരിക്കേറ്റവരുടെ ചികിത്സാചെലവ്, രക്ഷാപ്രവര്ത്തനം എന്നിവയ്ക്കായി 25 ലക്ഷം രൂപയും അനുവദിച്ചിരുന്നു. ഇതുകൂടാതെ പരിക്കേറ്റവരുടെ തുടര് ചികിത്സാ ചെലവ് വഹിക്കുവാനും മന്ത്രിസഭായോഗം തീരുമാനിച്ചു
