കണ്ണൂര് : ചെറുപുഴയില് മൂന്ന് മക്കളെയും കൊലപ്പെടുത്തി അമ്മയും സുഹൃത്തും ആത്മഹത്യ ചെയ്ത സംഭവത്തില് കൂടുതല് വിവരങ്ങള് പുറത്ത്. പാടിയോട്ട് ചാലില് ശ്രീജ, മക്കളായ സൂരജ്, സുജിന്, സുരഭി, ശ്രീജയുടെ സുഹൃത്ത് ഷാജി എന്നിവരെയാണ് ഇന്നലെ വീട്ടില് മരിച്ച നിലയില് കണ്ടെത്തിയത്. അഞ്ച് പേരുടെയും പോസ്റ്റ്മോര്ട്ടം റിപ്പോര്ട്ട് പുറത്ത് വന്നു. മക്കള്ക്ക് കൊലപ്പെടുത്തുന്നതിന് മുമ്പ് ഭക്ഷണത്തില് കലര്ത്തി ഉറക്കുഗുളിക നല്കി.
മൂത്ത മകന് സൂരജിനെ ജീവനോടെയാണ് കെട്ടി തൂക്കിയതെന്നാണ് പോസ്റ്റ് മോര്ട്ടം റിപ്പോര്ട്ടില് പറയുന്നത്. ഇളയ മക്കളെ കൊലപ്പെടുത്തിയ ശേഷമാണ് കെട്ടി തൂക്കിയത്. മൂന്ന് മക്കളുടെയും മരണം ഉറപ്പാക്കിയ ശേഷം ശ്രീജയും ഷാജിയും തൂങ്ങി മരിക്കുകയായിരുന്നുവെന്നാണ് പോസ്റ്റ് മോര്ട്ടം റിപ്പോര്ട്ടിലുള്ളത്.
ചെറുപുഴ പാടിയോട്ടുചാലില് ഇന്നലെ പുലര്ച്ചെ ആറ് മണിയോടെയാണ് പാടിയോട്ട്ചാല് വാച്ചാലില് അഞ്ചു പേരെ വീട്ടില് മരിച്ച നിലയില് കണ്ടെത്തിയത്. കുട്ടികളെ സ്റ്റെയര്കേസിന്റെ കമ്പിയില് തൂങ്ങിയ നിലയിലും ശ്രീജയെയും ഷാജിയെയും കിടപ്പുമുറിയിലുമാണ് കണ്ടെത്തിയത്.
