ലോക്ഡൗണ് ഇളവ് ആവശ്യപ്പെട്ട് സര്ക്കാരിന് കത്ത് നല്കി പ്രതിപക്ഷ നേതാവ് വി.ഡി. സതീശന്. ലോക്ഡൗണ് ഇങ്ങനെ തുടരണോ എന്ന് സര്ക്കാര് ആലോചിക്കണമെന്നും കോവിഡ് പ്രതിരോധപ്രവര്ത്തനങ്ങളില് സര്ക്കാരിനൊപ്പം നില്ക്കുമെന്നും അദ്ദേഹം പറഞ്ഞു.
മേയ് മാസം 8-ാം തീയതി മുതല് നമ്മുടെ സംസ്ഥാനത്ത് തുടരുന്ന ലോക്ഡൗണ് ഇന്ന് 38 ദിവസമാകുകയാണ്. ലോക്ഡൗണ് മൂലമുള്ള നിയന്ത്രണങ്ങള് ജനജീവിതത്തെ സാരമായി ബാധിച്ചിരിക്കുകയാണ്. സാധാരണക്കാരുടെ ജീവിതം വളരെയേറെ പ്രയാസത്തിലാണ്. കൂലിവേല ചെയ്ത് ജീവിക്കുന്നവര്, ദിവസവേതനക്കാര്, കര്ഷകര്, വ്യാപാരികള്, കച്ചവടസ്ഥാപനങ്ങളിലെ ജീവനക്കാര്, മോട്ടോര് തൊഴിലാളികള്, അസംഘടിതമേഖലയിലെ തൊഴിലാളികള്, തോട്ടം തൊഴിലാളികള്, തീരമേഖലകളില് മത്സ്യബന്ധനവുമായി ബന്ധപ്പെട്ട് ഉപജീവനം നടത്തുന്നവര്, കച്ചവടസ്ഥാപനങ്ങളിലെ ജീവനക്കാര്, വീട്ടുജോലിക്കാര്, വഴിയോര കച്ചവടക്കാര്, ചെറുകിട സംരംഭകരും അതിലെ തൊഴിലാളികളും എന്ന് തുടങ്ങി നാനാതുറയിലുംപെട്ടവരുടെ ജീവിതം സ്തംഭിച്ച അവസ്ഥയിലാണ്. നിരവധി ആളുകളുടെ തൊഴിലും നഷ്ടപ്പെട്ടു. തുടര്ന്നും ലോക്ഡൗണ് തുടര്ന്നാല് അത് ജനജീവിതത്തെ ഇനിയും സാരമായി ബാധിക്കുമെന്നതില് സംശയമില്ല.
കോവിഡ് വ്യാപനം തടയുന്നതിന് ആവശ്യമായ നിയന്ത്രണങ്ങള് തുടരുന്നതിനോടൊപ്പം കൂടുതല് ഇളവുകള് നല്കി ജനജീവിതം സുഗമമാക്കുന്നതിനുള്ള നടപടികള് സര്ക്കാര് സ്വീകരിക്കണമെന്ന് അഭ്യര്ത്ഥിക്കുന്നു.
