തിരുവനന്തപുരത്ത് ചെങ്കൽചൂള കോളനി എന്നറിയപ്പെടുന്ന രാജാജി നഗറിലെ ഒരു കൂട്ടം ചെറുപ്പക്കാർ തമിഴ് സൂപ്പർ താരം സൂര്യയുടെ ജന്മദിനത്തോട് അനുബന്ധിച്ചു ചെയ്ത ഡാൻസ് വീഡിയോ സോഷ്യൽ മീഡിയയിൽ വൈറലാണ്
. സൂര്യ നായകനായ ‘അയൻ’ സിനിമയിൽ നിന്നുള്ള ഗാനം അതുപോലെ തന്നെ പുനരാവിഷ്കരിക്കുകയാണ് വീഡിയോയിൽ ചെയ്തിരിക്കുന്നത്. വൈറലായ വീഡിയോ ശശി തരൂർ എംപി ഉൾപ്പെടെയുള്ളവരാണ് സമൂഹ മാധ്യമങ്ങളിലൂടെ പങ്കുവച്ചത്.
https://www.facebook.com/100003202490295/videos/140705151530106/
“തിരുവന്തപുരത്ത് ചെങ്കൽചൂള എന്നറിയപ്പെടുന്ന രാജാജി നഗറിലെ കുട്ടികൾ, കേവലം ഒരു മൊബൈൽ ഫോൺ ഉപയോഗിച്ചു അവരുടെ രീതിയിൽ പാടി ഡാൻസ് ചെയ്ത് അത്ഭുതകരമായി ഷൂട്ട് ചെയ്ത വീഡിയോ, കുറഞ്ഞ ആനുകൂല്യങ്ങളുള്ള നമ്മുക്ക് അടുത്തുള്ള സ്ഥലങ്ങളിലും അതിശയകരമായ കഴിവുകൾ ഉള്ളവരുണ്ട്” എന്ന് കുറിച്ചാണ് ശശി തരൂർ വീഡിയോ ഷെയർ ചെയ്തിരിക്കുന്നത്.
പൂർണമായും മൊബൈൽ ഫോണിൽ ചിത്രീകരിച്ച് എഡിറ്റ് ചെയ്തിരുന്നതാണ് ഡാൻസ് വീഡിയോ. നിരവധിപേരാണ് വീഡിയോ സോഷ്യൽ മീഡിയയിലൂടെ ഷെയർ ചെയ്തിരിക്കുന്നത്. നേരത്തെ ഈ സംഘം തന്നെ ‘അയനി’ലെ ഒരു സംഘടനരംഗം പുനരാവിഷ്ക്കരിച്ചത് വൈറലായിരുന്നു.
