ഒളിമ്പിക്സിൽ ഇന്ത്യയുടെ ഏറ്റവും വലിയ മെഡൽ പ്രതീക്ഷയായ മേരി കോമിന് ടോക്യോയിൽ ഇടിമിന്നൽ തുടക്കം.ആറുതവണ ബോക്സിങ് ലോക ചാമ്പ്യനായ മേരി കോം ഒളിമ്പിക്സില് 48-51 കിലോ വനിതാ വിഭാഗത്തില് പ്രീ ക്വാര്ട്ടറില് പ്രവേശിച്ചു. ഡൊമിനിക്കന് റിപ്പബ്ലിക്കിന്റെ മിഗ്വേലിന ഗാര്സിയ ഹെര്ണാണ്ടസിനെ പരാജയപ്പെടുത്തിയാണ് മേരി കോമിന്റെ മുന്നേറ്റം. 4-1 എന്ന സ്കോറിനാണ് മേരി മിഗ്വേലിന ഗാര്സിയയെ കീഴടക്കിയത്.
ബോക്സിങ്ങില് ഇന്ത്യയുടെ മെഡല് പ്രതീക്ഷയാണ് മേരി. ലണ്ടന് ഒളിമ്പിക്സില് ഇന്ത്യക്കു വേണ്ടി വെങ്കലം നേടിയ താരമാണ് മേരി കോം. ലോക റാങ്കിങ്ങില് മൂന്നാമതാണ് താരം.
