Author: editor

സംസ്ഥാനത്ത് കാലവര്‍ഷത്തില്‍ വ്യാപകനാശം. വിഴിഞ്ഞത്ത് കാണാതായ ഒമ്പത് മത്സ്യത്തൊഴിലാളികള്‍ക്കായി തിരച്ചില്‍ തുടരുകയാണ്. കനത്ത മഴയില്‍ കാസര്‍കോട് ജില്ലയുടെ വടക്കന്‍ മേഖലയിലും കണ്ണൂരില്‍ പലയിടത്തും പ്രളയസമാന സാഹചര്യമാണുള്ളത്. കണ്ണൂര്‍ ജില്ലയിലെ താഴ്ന്ന പ്രദേശങ്ങളെല്ലാം വെള്ളത്തിലാണ്. വീടുകളില്‍ വെള്ളം കയറിയതിനെത്തുടര്‍ന്ന് വിവിധ സ്ഥലങ്ങളിലായി നിരവധി കുടുംബങ്ങളെ സുരക്ഷിത സ്ഥലങ്ങളിലേക്ക് മാറ്റി. മഴയെത്തുടര്‍ന്ന് വന്ദേഭാരതടക്കം നാലു ട്രെയിനുകള്‍ വൈകിയോടുകയാണ്. മരങ്ങള്‍ വീണതിനെത്തുടര്‍ന്ന് പലിയിടുത്തും റോഡ് ഗതാഗതവും തടസപ്പെട്ടു.തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്‍, മലപ്പുറം, കോഴിക്കോട്, കണ്ണൂര്‍ […]

രാജ്യത്തെ കോവിഡ് സാഹചര്യം വിലയിരുത്തി കേന്ദ്ര ആരോഗ്യ മന്ത്രാലയം. റിപ്പോർട്ട് തേടി സംസ്ഥാനങ്ങൾക്ക് കത്തയച്ച് ആരോഗ്യ സെക്രട്ടറി.ജൂൺ 2നകം റിപ്പോർട്ട് സമർപ്പിക്കണമെന്നാണ് നിർദേശം.സംസ്ഥാനങ്ങളിലെ നിലവിലെ സാഹചര്യം, അടിസ്ഥാന സൗകര്യങ്ങൾ എന്നിവ വിലയിരുത്തിയ ശേഷമാണ് റിപ്പോർട്ട് തയ്യാറാക്കേണ്ടത്. ഓക്സിജൻ വിതരണം, ക്രിട്ടിക്കൽ കെയർ കിടക്കകൾ, വെന്റിലേറ്റർ പിന്തുണയുള്ള കിടക്കകൾ എന്നിവയുടെ ലഭ്യത ഉറപ്പാക്കണമെന്ന് നിർദേശം നൽകി.അടിസ്ഥാന സൗകര്യങ്ങൾ തൃപ്തികരമായി ഉറപ്പാക്കുന്നതിനായി സംസ്ഥാനങ്ങൾ മോക്ക് ഡ്രില്ലുകൾ നടത്തണമെന്ന് നിർദേശിച്ചിട്ടുണ്ട്. ആരോഗ്യ പോർട്ടലുകളിൽ കൃത്യമായ വിവരങ്ങൾ അപ്ഡേറ്റ് ചെയ്യുകയും വേണംജില്ലാ, താലൂക്ക് […]

പാലക്കാട് അട്ടപ്പാടിയില്‍ കാട്ടാന ആക്രമണത്തില്‍ പരുക്കേറ്റയാള്‍ മരിച്ചു. ചീരക്കടവ് സ്വദേശി മല്ലനാണ് (60) മരിച്ചത്.ചീരക്കടവിലെ വന മേഖലയില്‍ ഇന്നലെ ഉച്ചയോടെയായിരുന്നു ആക്രമണം.വനാതിര്‍ത്തിയോട് ചേര്‍ന്ന പ്രദേശത്ത്പശുവിനെ മേയ്ക്കാന്‍ വീട്ടില്‍ നിന്നിറങ്ങിയ സമയത്ത് ആന ആക്രമിക്കുകയായിരുന്നു.ആന തുമ്പിക്കൈ കൊണ്ട് തട്ടിയിട്ടതിനെ തുടർന്ന് വാരിയെല്ലിനും നെഞ്ചിലും സാരമായി പരിക്കേറ്റ മല്ലനെ കോട്ടത്തറ ട്രൈബല്‍ ആശുപത്രിയിലേക്കാണ് ആദ്യം കൊണ്ടുപോയത്. അതിനുശേഷം, വെന്റിലേറ്റര്‍ സഹോയത്തോടെ തൃശൂര്‍ മെഡിക്കല്‍ കോളജ് ആശുപത്രിയിലേക്ക് മാറ്റുകയായിരുന്നു.അതേസമയം, കഞ്ചിക്കോട് ഇറങ്ങിയ കാട്ടാനയെ തുരത്താന്‍ കുങ്കി ആന എത്തി. ധോണിയില്‍ നിന്നുള്ള […]

നിലമ്പൂരിലെ യുഡിഎഫ് സ്ഥാനാർഥി ആര്യാടൻ ഷൗക്കത്ത് കോൺഗ്രസിന്റെ മുതിർന്ന നേതാവും പാർട്ടി പ്രവർത്തക സമിതിയംഗവുമായ എ.കെ ആന്റണിയുടെ അനുഗ്രഹം തേടി തിരുവനന്തപുത്തെത്തി. ഇന്നലെ വൈകുന്നേരം അഞ്ചരമണിയോടെ എ.കെ ആന്റണിയുടെ വഴുതയ്ക്കാട്ടെ വസതിയിലെത്തിയായിരുന്നു കൂടിക്കാഴ്ച. തന്റെ സഹപ്രവർത്തകനും വർഷങ്ങളോളം ആത്മാർത്ഥ സുഹൃത്തുമായിരുന്ന ആര്യാടൻ മുഹമ്മദിന്റെ മകന് ആദ്യം തന്നെ വിജയാശംസകൾ നേരുന്നുവെന്ന് പറഞ്ഞാണ് ആര്യാടൻ ഷൗക്കത്തിനെ ആന്റണി സ്വാഗതം ചെയ്തത്. പിതൃതുല്യനും രാഷ്ട്രീയ ഗുരുനാഥനുമായ ആന്റണി സാറിന്റെ അനുഗ്രഹം തനിക്ക് തെരഞ്ഞെടുപ്പിൽ ഏറെ ഗുണം ചെയ്യുമെന്ന് ആര്യാടൻ ഷൗക്കത്തും […]

കാലവർഷക്കെടുതിക്കൊപ്പം സംസ്ഥാനത്ത് പകർച്ചവ്യാധി ഭീഷണിയും. സർക്കാർ ആശുപത്രിയിലെ മാത്രം കണക്കനുസരിച്ച് പ്രതിദിന പനിബാധിതരുടെ എണ്ണം എണ്ണായിരം കടന്നു. ഡെങ്കിപ്പനി, എലിപ്പനി കേസുകളിലും വർധനയുണ്ട്. ഒരു മാസത്തിനിടെ 11 പേർ എലിപ്പനി ബാധിച്ചും ആറു പേർ ഡെങ്കിപ്പനി ബാധിച്ചും മരിച്ചു. ഈ മാസം മാത്രം 20 പേർ പനിബാധിച്ച് മരിച്ചു. അഞ്ചുമാസത്തിനിടെ എഴുപത് മരണങ്ങളാണ് റിപ്പോർട്ട് ചെയ്തത്. ക്യാമ്പുകളിൽ കഴിയുന്നവർ ഉൾപ്പെടെ ജാഗ്രത പാലിക്കണമെന്ന് ആരോഗ്യവകുപ്പ് അറിയിച്ചു.മലിനജലത്തിലൂടെയും വായുവിലൂടെയും പടരുന്നതും കൊതുക് പരത്തുന്നതുമായ രോഗങ്ങളാണ് ഭീഷണിയായി മുന്നിലുള്ളത്. മഴക്കാലത്ത് […]

ആര്യാടന്‍ മുഹമ്മദിന് 11 തെരഞ്ഞെടുപ്പിലും കെട്ടിവെക്കാനുള്ള പണം നല്‍കിയ പാരമ്പര്യം മകന്‍ ഷൗക്കത്തിനും നല്‍കി പുല്ലങ്കോട്ട് എസ്റ്റേറ്റിലെ പ്ലാന്റേഷന്‍ തൊഴിലാളികള്‍. പ്രചരണത്തിരക്കിനിടയില്‍ ഇന്നലെ ഉച്ചയോടെ അപ്രതീക്ഷിതമായാണ് പുല്ലങ്കോട്ട് എസ്‌റ്റേറ്റിലെ ഐ.എന്‍.ടി.യു.സി സെക്രട്ടറി ഹസന്‍ പുല്ലങ്കോടിന്റെ നേതൃത്വത്തില്‍ തൊഴിലാളികളെത്തി യൂണിയന്‍ പ്രസിഡന്റ് കൂടിയായ ആര്യാടന്‍ ഷൗക്കത്തിന് തെരഞ്ഞെടുപ്പില്‍ മത്സരിക്കാന്‍ കെട്ടിവെക്കാനുള്ള തുകയായ 10,000 രൂപ കൈമാറിയത്.1963ലാണ് ആര്യാടന്‍ മുഹമ്മദ് ആസ്പിന്‍ വാള്‍ കമ്പനിയുടെ പുല്ലങ്കോട് എസ്‌റ്റേറ്റിലെ പുല്ലങ്കോട് പ്ലാന്റേഷന്‍ ലേബര്‍ കോണ്‍ഗ്രസ് ഐ.എന്‍.ടി.യു.സി യൂണിയന്റെ പ്രസിഡന്റായത്. അന്ന് നിലമ്പൂരില്‍ […]