ആശുപത്രിയില് പരിശോധനയുമില്ല, ഓക്സിജനുമില്ല, എവിടെപ്പോയി പി.എം കെയര് ഫണ്ട്; കേന്ദ്ര സർക്കാരിനെതിരെ രാഹുൽ ഗാന്ധി
രാജ്യത്ത് കൊവിഡ് വ്യാപനം രൂക്ഷമാകുന്ന സാഹചര്യത്തില് കേന്ദ്രസര്ക്കാരിന്റെ മുന്കരുതല് നടപടികളെ വിമര്ശിച്ച് കോണ്ഗ്രസ് നേതാവ് രാഹുല് ഗാന്ധി. പി.എം കെയര് ഫണ്ട് എവിടെപ്പോയെന്ന് രാഹുല് ചോദിച്ചു.രാജ്യം കൊവിഡ് വ്യാപനത്തില് ഗുരുതരമായ സാഹചര്യമാണ് നേരിടുന്നത്. കൊവിഡ് സ്ഥിരീകരിച്ച ശേഷം ഇതാദ്യമായി പ്രതിദിന നിരക്ക് രണ്ട് ലക്ഷം കടന്നു.ട്വിറ്ററിലൂടെ ആയിരുന്നു രാഹുൽ പ്രതികരിച്ചത് ‘ആശുപത്രിയില് പരിശോധനകളോ കിടക്കകളോ ഇല്ല, വെന്റിലേറ്ററുകളില്ല, ഓക്സിജനുമില്ല, വാക്സിനും ഇല്ല, ആകെ ഒരു ഉത്സവ ഭാവം മാത്രം. പി.എം കെയര് ഫണ്ട് എവിടെയാണ്,’ രാഹുല് ചോദിച്ചു.
Read More
