Author: veena vp

വാർത്താ സമ്മേളനത്തിനെത്താൻ വൈകിയതിന്റെ പേരിൽ കെപിസിസി പ്രസിഡന്റ് കെ സുധാകരന്‍ കുപിതനായ സംഭവത്തിൽ പ്രതികരിച്ച് പ്രതിപക്ഷ നേതാവ് വി ഡി സതീശൻ. മാധ്യമങ്ങൾ വേണ്ടിയാണ് കെ സുധാകരൻ സംസാരിച്ചത്. കാത്തിരുന്ന് കാണാതിരുന്നാൽ ആർക്കും അസ്വസ്ഥത ഉണ്ടാകുമെന്ന് സതീശൻ പറഞ്ഞു. ജ്യേഷ്ഠാനുജ ബന്ധമാണ് കെ സുധാകരും താനും തമ്മിലുള്ളതെന്ന് പറഞ്ഞ സതീശന്‍, ഇപ്പോഴത്തെ സംഭവം വലിയ വാർത്തയാക്കാനുള്ള ഒന്നും ഉണ്ടായില്ലെന്നും കൂട്ടിച്ചേര്‍ത്തു. ഇന്ന് രാവിലെ കെപിസിസിയുടെ സമരാഗ്നിയുടെ ഭാഗമായി നടത്തിയ വാർത്താസമ്മേളന വേദിയിലാണ് വിവാദ പ്രയോഗമുണ്ടായത്. രാവിലെ പത്തിനായിരുന്നു […]

ചരിത്രപരമായ കാരണങ്ങളാല്‍ സാമൂഹ്യപുരോഗതിയില്‍ നിന്ന് വളരെ പിന്നിലേക്ക് എടുത്തെറിയപ്പെട്ടവരാണ് എസ് സി, എസ് ടി വിഭാഗങ്ങളിലുള്ളത് എന്ന് മുഖ്യമന്ത്രി പിണറായി വിജയൻ. ആദിവാസി- ദളിത് വിഭാഗങ്ങളുമായുള്ള പരിപാടിയിൽ പ്രസംഗിക്കുക ആയിരുന്നു മുഖ്യമന്ത്രി പിണറായി വിജയൻ. ചരിത്രപരമായ കാരണങ്ങള്‍ എന്നു പറയുന്നത് സ്വയം ഉണ്ടായി വന്നതല്ല, മറിച്ച് ചാതുര്‍വര്‍ണ്യ – പൗരോഹിത്യ വ്യവസ്ഥ നമ്മുടെ സമൂഹത്തിനു മേല്‍ നിക്ഷിപ്ത താല്‍പര്യങ്ങളോടെ അടിച്ചേല്‍പ്പിച്ചവയാണ് എന്ന് അദ്ദേഹം കൂട്ടിച്ചേർത്തു. അതിന്റെ നുകം വലിച്ചെറിയുക എന്നതായിരുന്നിട്ടുണ്ട് ആധുനിക സമൂഹത്തിന്റെ ഏറ്റവും വലിയ ഉത്തരവാദിത്തം. […]

ഓമശ്ശേരി പുത്തൂരിൽ മൂന്ന് വയസ് പ്രായമുള്ള കുട്ടി കിണറ്റിൽ വീണ് മരിച്ചു. പുത്തൂർ റോയാഡ് ഫാം ഹൗസ് പാർക്കിന് സമീപത്തെ കിണറ്റിലാണ് കുട്ടി വീണത്. കുടുംബ സംഗമത്തിൽ പങ്കെടുക്കാൻ എത്തിയ മലപ്പുറം കാളികാവ് സ്രാമ്പിക്കൽ റിഷാദിൻ്റെ മകനായ ഐജിനാണ് കിണറ്റിൽ വീണ് മരിച്ചത്.കുടുംബ സംഗമത്തില്‍ പങ്കെടുക്കാന്‍ മാതാപിതാക്കളോടൊപ്പം ഫാം ഹൗസിലെത്തിയ കുട്ടിയെ പിന്നീട് കാണാതാവുകയായിരുന്നു.ഫാം ഹൗസിന് പുറത്ത് കളിക്കുകയായിരുന്ന കുട്ടി കിണറ്റില്‍ വീഴുകയായിരുന്നുവെന്നാണ് സംശയിക്കുന്നത്.ഇന്നലെ രാത്രി എട്ട് മണിയോടെ കുട്ടിയെ കാണാതായി, തുടർന്ന് നടത്തിയ തെരച്ചിലിനിടയിലാണ് കിണറ്റിൽ […]

ചോദ്യ പേപ്പർ ചോർന്നെന്ന ആരോപണത്തെ തുടർന്ന് ഫെബ്രുവരി 17, 18 തീയതികളിൽ ഉത്തർപ്ര​ദേശ് പബ്ലിക് സർവീസ് കമ്മീഷൻ സർക്കാർ നടത്തിയ പൊലീസ് കോൺസ്റ്റബിൾ റിക്രൂട്ട്‌മെൻ്റ് പരീക്ഷ റദ്ദാക്കി. അടുത്ത ആറ് മാസത്തിനുള്ളിൽ പുനഃപരീക്ഷ നടത്തുമെന്നും ഉദ്യോഗാർഥികളെ ഉത്തർപ്രദേശ് സ്റ്റേറ്റ് റോഡ് ട്രാൻസ്‌പോർട്ട് കോർപ്പറേഷൻ (യുപിഎസ്ആർടിസി) ബസുകളിൽ സൗജന്യമായി പരീക്ഷാ കേന്ദ്രങ്ങളിൽ എത്തിക്കുമെന്നും സർക്കാർ അറിയിച്ചു. സ്പെഷ്യൽ ടാസ്ക് ഫോഴ്സ് (എസ്ടിഎഫ്) ചോദ്യപേപ്പർ ചോർച്ച അന്വേഷിക്കും. രണ്ട് ഷിഫ്റ്റുകളിലായാണ് റിക്രൂട്ട്‌മെൻ്റ് പരീക്ഷ നടന്നത്. 48 ലക്ഷത്തിലധികം ഉദ്യോഗാർഥികൾ അപേക്ഷിക്കുകയും […]

കേരളത്തിൽ നിന്നും പലസ്തീൻ, ഇസ്രയേൽ നാടുകളിലേക്കുള്ള തീർത്ഥാടന യാത്രകൾ പുനരാരംഭിച്ചു. യുദ്ധത്തെ തുടർന്നായിരുന്നു യാത്രകൾ നിർത്തിവച്ചത്.യുദ്ധതെ തുടർന്ന് ആറുമാസത്തെ ഇടവേളക്കുശേഷമാണ് വിശുദ്ധനാടുകളിലേക്ക് വീണ്ടും മലയാളികൾ എത്തുന്നത്. ടൂർ ഓപ്പറേറ്റർമാർ നേരിട്ട് ഇസ്രായേൽ പാലസ്തീൻ എന്നിവ സാഹചര്യങ്ങൾ വിലയിരുത്തിയ ശേഷമാണ് പാക്കേജുകൾ ആരംഭിച്ചത്.കൊച്ചി-തിരുവനന്തപുരം ജില്ലകളിൽ നിന്നും 70 ഓളം തീർത്ഥാടകർ ഉണ്ടായിരുന്നു. ആശങ്കകൾ ഒന്നുമില്ലെന്നും യാത്രക്കാർ വ്യക്തമാക്കി.വിശുദ്ധ നാടുകളിലേക്കുള്ള തീർത്ഥാടന പാക്കേജ് പുനരാരംഭിച്ചത് ടൂറിസം മേഖലയ്ക്കും ആശ്വാസമാണ്.