Tag: cpm

കൊല്ലം: എസ്. സുദേവനെ വീണ്ടും സിപിഎം കൊല്ലം ജില്ലാ സെക്രട്ടറിയായി തിരഞ്ഞെടുത്തു. കരുനാഗപ്പള്ളിയില്‍നിന്നുള്ള അംഗങ്ങളെ ജില്ലാ കമ്മിറ്റിയില്‍നിന്ന് ഒഴിവാക്കി. പി.ആര്‍ വസന്തന്‍ ഉള്‍പ്പടെ മൂന്ന് നേതാക്കളെയാണ് ഒഴിവാക്കിയത്. സംസ്ഥാന സമ്മേളനത്തിലേക്ക് 36 പ്രതിനിധികളെയാണ് കൊല്ലത്തുനിന്ന് തിരഞ്ഞെടുത്തത്. മാര്‍ച്ചില്‍ കൊല്ലത്ത് നടക്കുന്ന സംസ്ഥാന സമ്മേളനം വിജയിപ്പിക്കാന്‍ ജില്ലാ സമ്മേളനം തീരുമാനിച്ചു. പാര്‍ട്ടി അംഗങ്ങളില്‍നിന്ന് ശേഖരിക്കുന്ന സംഭാവനകൊണ്ടാണ് സമ്മേളനം നടത്തുക. പാര്‍ട്ടിയെയും ഇടത് സര്‍ക്കാരിനെയും ദുര്‍ബലപ്പെടുത്താനുള്ള നീക്കങ്ങളെ ചെറുക്കുമെന്നും ജില്ലാ സെക്രട്ടറി സുദേവന്‍ പറഞ്ഞു.

കൊല്ലം: സന്ദീപ് വാര്യരെ ഉത്തമനായ സഖാവാക്കാന്‍ ശ്രമം നടന്നുവെന്ന് സിപിഎം കൊല്ലം ജില്ലാ സമ്മേളനത്തില്‍ വിമര്‍ശനം. സന്ദീപ് കോണ്‍ഗ്രസില്‍ ചേര്‍ന്നപ്പോള്‍ വര്‍ഗീയ പരസ്യം നല്‍കിയത് എന്തിനെന്ന ചോദ്യവും ഉയര്‍ന്നു. പാര്‍ട്ടിയിലെ സ്ഥാനങ്ങള്‍ക്ക് പ്രായത്തിന് പകരം വകതിരിവ് മാനദണ്ഡമാക്കണമെന്നും പ്രതിനിധികള്‍ വിമര്‍ശിച്ചു.സിപിഎം കൊല്ലം ജില്ലാ സമ്മേളന പ്രതിനിധി ചര്‍ച്ചയില്‍ ആയിരുന്നു വിമര്‍ശനം. പാര്‍ട്ടിയില്‍ വിരമിക്കല്‍ പ്രായം 75 നോക്കിയല്ല കണക്കാക്കേണ്ടത്. വിവരക്കേട് പറയുന്നവരെ ഉടനടി ഒഴിവാക്കണം.ഇ.പി ജയരാജന്‍, എ. കെ ബാലന്‍ വിവാദങ്ങള്‍ ഉന്നയിച്ചയിരുന്നു വിമര്‍ശനം.പൊലീസ് സ്റ്റേഷനുകളില്‍ ചെന്നാല്‍ […]

കൊല്ലം: സിപിഐഎം കൊല്ലം ജില്ലാ സമ്മേളനത്തിനിടെ കരിങ്ങാലി വെള്ളം കുടിക്കുന്ന ദൃശ്യങ്ങള്‍ സമൂഹമാധ്യമങ്ങളില്‍ വ്യാപകമായി പ്രചരിപ്പിക്കുന്നതിനെതിരെ സിപിഐഎം സംസ്ഥാന കമ്മിറ്റി അംഗം ഡോ. ചിന്ത ജെറോം. കരിങ്ങാലി വെള്ളക്കുപ്പി കാണുമ്പോള്‍ ബിയറാണെന്നു തോന്നുന്നവരുടെ മനോനില പരിശോധിക്കണമെന്ന് ചിന്ത ഫേസ്ബുക്കില്‍ കുറിച്ചു. ചിന്ത ജെറോമിന്റെ ഫേസ്ബുക്ക് പോസ്റ്റിന്റെ പൂര്‍ണ്ണരൂപം സിപിഎം കൊല്ലം ജില്ലാ സമ്മേളനം വളരെ മാതൃകാപരമായ രീതിയില്‍ ആണ് സംഘടിപ്പിപ്പെടുന്നതു. ഇത് മറച്ചുപിടിക്കുന്നതിന് കൂടിയാകാം ബോധപൂര്‍വം അര്‍ത്ഥശൂന്യമായ ചില പരിഹാസങ്ങളും വിമര്‍ശനങ്ങളുമായി ഒരുകൂട്ടര്‍ ഇറങ്ങി പുറപ്പെടുന്നത്. വരുംകാലത്തിന്റെ […]

കൊച്ചി: തിരുവനന്തപുരം വഞ്ചിയൂരില്‍ വഴി തടഞ്ഞ് നടുറോഡില്‍ സിപിഎം ഏരിയാ സമ്മേളനം നടത്തിയതിനെതിരെ രൂക്ഷവിമര്‍ശനവുമായി ഹൈക്കോടതി. സമ്മേളനം കോടതിയലക്ഷ്യമാണെന്നും കേസ് എടുത്തോയെന്നും ഹൈക്കോടതി ചോദിച്ചു. ഇത്തരം യോഗങ്ങള്‍ക്കെതിരെ സ്വീകരിക്കാന്‍ ഉദ്ദേശിക്കുന്ന നടപടികള്‍ സംബന്ധിച്ച് സര്‍ക്കാരില്‍ നിന്നും കോടതി വിശദീകരണം തേടി. പൊതുജനത്തെ ബുദ്ധിമുട്ടിച്ച് സമ്മേളനം നടത്താന്‍ അനുമതി നല്‍കിയത് സംബന്ധിച്ച് സംസ്ഥാന പൊലീസ് മേധാവിയും തിരുവനന്തപുരം സിറ്റി പൊലീസ് കമ്മീഷണറും വിശദീകരണം നല്‍കണമെന്ന് ഹൈക്കോടതി വ്യക്തമാക്കി. ഇത് കൂടാതെ വഞ്ചിയൂര്‍ എസ്എച്ച്ഒ സമ്മേളനത്തിന് അനുമതി നല്‍കിയതിന്റെ വിശദീകരണവുമായി […]

പാലക്കാട്: പാലക്കാട് ഉപതെരഞ്ഞെടുപ്പില്‍ രണ്ടാംസ്ഥാനത്ത് പോലും എത്താതിരുന്നതോടെ പാര്‍ട്ടിക്കുണ്ടായ തെരഞ്ഞെടുപ്പ് പ്രചാരണത്തിലെ പാളിച്ചകള്‍ സിപിഎം സംസ്ഥാന നേതൃത്വം പരിശോധിക്കും. പെട്ടിക്കഥയും പരസ്യവിവാദവും തിരിച്ചടിയായെന്ന് സിപിഎം വിലയിരുത്തല്‍. തെരഞ്ഞെടുപ്പിലുണ്ടായ തിരിച്ചടിയുടെ പശ്ചാത്തലത്തില്‍ പാലക്കാട്ടെ പ്രചാരണവും തന്ത്രങ്ങളും പരിശോധിക്കാനൊരുങ്ങുകയാണ് സിപിഎം. പ്രചാരണം നയിച്ച എംബി രാജേഷ് ഉള്‍പ്പെടെയുള്ളവര്‍ക്ക് പക്വത കുറവെന്ന വിമര്‍ശനവും ഒരു വിഭാഗം നേതാക്കള്‍ ഉന്നയിക്കുന്നുണ്ട്. സിപിഎമ്മില്‍ ദൂരവ്യാപക ചര്‍ച്ചകള്‍ക്ക് വഴി മരുന്നിടുന്നതാണ് പാലക്കാട്ടെ തോല്‍വി. സ്ഥാനാര്‍ഥിത്വം മാത്രമല്ല തെരഞ്ഞെടുപ്പില്‍ സ്വീകരിച്ച നയസമീപനങ്ങള്‍ വരെ വരും ദിവസങ്ങളില്‍ ഇഴകീറി […]

പാലക്കാട് കോണ്‍ഗ്രസില്‍ കൊഴിഞ്ഞുപോക്ക് തുടരുന്നു. മുന്‍ നഗരസഭാ കൗണ്‍സിലര്‍ ഭാസ്‌കരന്‍ സിപിഐഎമ്മില്‍ ചേര്‍ന്നു. മുന്നു തവണ നഗരസഭാ കൗണ്‍സിലര്‍ ആയ വ്യക്തിയാണ് അദ്ദേഹം. 13-ാം വാര്‍ഡായ പുത്തൂര്‍ നോര്‍ത്തില്‍ നിന്ന് 2000-2005, 2010-15, 2015 -2020 കാലയളവില്‍ അദ്ദേഹം കൗണ്‍സിലറായി തെരഞ്ഞെടുക്കപ്പെട്ടിട്ടുണ്ട്.വികസന സ്റ്റാന്റിങ് കമ്മിറ്റി ചെയര്‍മാനുമായി അദ്ദേഹം പ്രവര്‍ത്തിച്ചിട്ടുണ്ട്.കോണ്‍ഗ്രസ് ബ്ലോക്ക് സെക്രട്ടറി സ്ഥാനവും വഹിച്ചിട്ടുണ്ട്. പാലക്കാട് ഉപതെരഞ്ഞെടുപ്പ് നടക്കാന്‍ മണിക്കൂറുകള്‍ മാത്രം ബാക്കി നില്‍ക്കെയാണ് അദ്ദേഹത്തിന്റെ കൂടുമാറ്റം എന്നത് പ്രധാനമാണ്.

പാലക്കാട്: പാലക്കാട് യുഡിഎഫ് സ്ഥാനാര്‍ത്ഥി രാഹുല്‍ മാങ്കൂട്ടത്തിലിന്റെ വീഡിയോ പത്തനംതിട്ട സിപിഐഎമ്മിന്റെ ഫേസ്ബുക്ക് പേജില്‍ വന്ന സംഭവം ഹാക്കിങ്ങ് അല്ലെന്ന് കണ്ടെത്തി. വീഡിയോ അപ്ലോഡ് ചെയ്തതാണെന്ന നിഗമനത്തിലാണ് ഇപ്പോള്‍ സിപിഐഎം ജില്ലാ നേതൃത്വം. അഡ്മിന്‍മാരില്‍ ഒരാളാണ് വീഡിയോ അപ്ലോഡ് ചെയ്തതെന്നാണ് നിഗമനം. വിഷയത്തെ തുടര്‍ന്ന് അഡ്മിന്‍ പാനലില്‍ മാറ്റം വരുത്താന്‍ തീരുമാനിച്ചിരിക്കുകയാണ് ജില്ലാ നേതൃത്വം. കഴിഞ്ഞ ദിവസമാണ് പത്തനംതിട്ട സിപിഐഎം ഔദ്യോഗിക പേജില്‍ ‘പാലക്കാട് എന്ന സ്‌നേഹ വിസ്മയം’ എന്ന അടിക്കുറിപ്പോടെ രാഹുലിന്റെ വീഡിയോ പ്രത്യക്ഷപ്പെട്ടത്. 63,000ത്തോളം […]