കാരന്തൂർ എസ് ജി എം എൽ പി സ്കൂളിലെ 2020-21 വർഷത്തെ എൽ എസ് എസ് ജേതാവ് ഏബൽ ഡേവിഡിന് അനുമോദനവും ഇംഗ്ലീഷ് ഫെസ്റ്റ് ഉദ്ഘാടനവും കുന്ദമംഗലം ഗ്രാമപഞ്ചായത്ത് പ്രസിഡന്റ് ലിജി പുൽക്കുന്നുമ്മൽ നിർവഹിച്ചു. പരിപാടിയുടെ ഭാഗമായി വീട്ടിലും വിദ്യാലയത്തിലും പച്ചക്കറികൃഷി പദ്ധതി ഗ്രാമ പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ചന്ദ്രൻ തിരുവലത്ത് ഉദ്ഘാടനം ചെയ്തു. വാർഡ് മെമ്പർ അംബികാദേവി അധ്യക്ഷയായി. കുട്ടികളുടെ സൃഷ്ടികൾ ഉൾപ്പെടുത്തി പ്രസിദ്ധീകരിച്ച പ്യൂപ്പ കൈയെഴുത്ത് പ്രതിയുടെ പ്രകാശനവും
അംബികാദേവി നിർവ്വഹിച്ചു.
പിടിഎ പ്രസിഡന്റ് ജാനിഷ, സീനിയർ അസിസ്റ്റന്റ് കെ. ജിഷ സംസാരിച്ചു. പ്രധാനാധ്യാപിക ജി.എസ് രോഷ്മ സ്വാഗതവും സ്റ്റാഫ് സെക്രട്ടറി കെ.എം.എ റഹ്മാൻ നന്ദിയും പറഞ്ഞു.
