കഴിഞ്ഞ ദിവസം മമ്മൂട്ടിയുടെ ഒരു കുഞ്ഞാരാധിക ആശുപത്രി കിടക്കയിൽ വെച്ച് നടനെ കാണാൻ ആഗ്രഹമുണ്ടെന്ന് പറയുന്ന വീഡിയോ പലരും സാമൂഹിക മാധ്യമങ്ങളിൽ പങ്ക് വെച്ചിരുന്നു. ഹലോ മമ്മൂട്ടി അങ്കിൾ നാളെ എന്റെ ബർത്ത്ഡേ ആണ്. നാളെ എന്നെ ഒന്ന് വന്നു കാണുമോ? ഞാൻ അങ്കിളിന്റെ വലിയ ഫാനാണ്’ എന്നാണ് വീഡിയോയിൽ കുട്ടി പറയുന്നത്. തികച്ചും യാദർശ്ചികമായി തന്റെ കുഞ്ഞാരാധിക കിടക്കുന്ന ആശുപത്രിയിലെത്തിയ മമ്മൂട്ടി ഡോക്ടർമാരുടെ ആവശ്യപ്രകാരം കുട്ടിയെ കാണുകയും പിറന്നാൾ ആശംസകൾ നേരുകയും ചെയ്തു. നിർമാതാവ് ആന്റോ ജോസഫും നടന്റെ കൂടെ ഉണ്ടായിരുന്നു.
ആസ്റ്റർ മെഡി സിറ്റിയിൽ ചികിത്സയിൽ കഴിയുന്ന കുഞ്ഞിന് ഓർമ നഷ്ടപ്പെടുന്ന അപൂർവ രോഗമാണ്.
