ചോദ്യപേപ്പര്‍ ചോര്‍ച്ച കേസില്‍ കുറ്റ സമ്മതവുമായി കേസിലെ ഒന്നാം പ്രതിയും എംഎസ് സൊല്യൂഷന്‍സ് ഉടമയുമായ മുഹമ്മദ് ഷുഹൈബ്. ചോദ്യപേപ്പര്‍ ചോര്‍ന്നതായി മൊഴി നല്‍കിയ ഷുഹൈബ് ഉത്തരവാദികള്‍ മറ്റ് പ്രതികളെന്നും പറഞ്ഞു.
അതേസമയം കേസില്‍ കൂടുതല്‍ അന്വേഷണത്തിന് ഒരുങ്ങുകയാണ് ക്രൈം ബ്രാഞ്ച്. ചോദ്യ പേപ്പര്‍ ചോര്‍ന്നതില്‍ മറ്റ് സ്ഥാപനങ്ങള്‍ക്ക് പങ്കുണ്ടോ എന്ന് അന്വേഷിക്കുമെന്ന് ക്രൈംബ്രാഞ്ച് എസ്പി മാധ്യമങ്ങളോട് പറഞ്ഞു. സാമ്പത്തിക ലാഭം ഉണ്ടായോ എന്നും അന്വേഷിക്കുമെന്നും അദ്ദേഹം പറഞ്ഞു.
കേസില്‍ ഇന്നലെ മുഹമ്മദ് ഷുഹൈബിന്റെ അറസ്റ്റ് രേഖപ്പെടുത്തിയിരുന്നു. ഹൈക്കോടതി മുന്‍കൂര്‍ ജാമ്യാപേക്ഷ തള്ളിയതോടെ പ്രതി കോഴിക്കോട്ടെ ക്രൈംബ്രാഞ്ച് ഓഫീസില്‍ നേരിട്ടെത്തി കീഴടങ്ങിയിരുന്നു.തന്റെ സ്ഥാപനത്തെ തകര്‍ക്കാന്‍ ഒരു പ്രമുഖ സ്ഥാപനം ശ്രമിക്കുന്നുണ്ടെന്ന് ഷുഹൈബ് ആരോപിച്ചു.
