തിരുവനന്തപുരം: വയനാട്ടില് കള്ളാടിയില് ഉണ്ടായ ദുരന്തത്തില് മരിച്ച മൂന്ന് പേരുടെ കുടുംബങ്ങള്ക്കും അഞ്ച് ലക്ഷം രൂപ വീതം ധനസഹായം നല്കുമെന്ന് മുഖ്യമന്ത്രി വിഡി സതീശന്. അവരുടെ മൃതദേഹം നാട്ടിലെത്തിക്കാനുള്ള നടപടികളും, പരിക്കേറ്റവര്ക്ക് ചികിത്സാ സഹായത്തിനുള്ള നടപടികളും സര്ക്കാര് സ്വീകരിക്കുമെന്നും മുഖ്യമന്ത്രി അറിയിച്ചു. ജാര്ഖണ്ഡ് സ്വദേശിയായ തൊഴിലാളി അന്മോല് റായ്, ബിഹാര് സ്വദേശിയായ സിവില് ഫോര്മാന് ബികാഷ് കുമാര് സിങ്, മധ്യപ്രദേശ് സ്വദേശിയായ ഓപ്പറേറ്റര് ചന്ദ്ര പാന് പാല് എന്നിവരാണ് മരിച്ചത്. ദുരന്തത്തില് ഒന്പത് പേര്ക്ക് പരിക്കേറ്റിരുന്നു. ഇവരെല്ലാം ചികിത്സയിലാണ്. അഞ്ച് പേരെ ഇനിയും കണ്ടെത്താനുണ്ട്. ഇവര്ക്കായി തിരച്ചില് തുടരുകയാണ്..
