തിരുവനന്തപുരം: പാലോട് നവവധുവിന്റെ ആത്മഹത്യയില് കൂടുതല് വിവരങ്ങള് പുറത്ത്. ഇന്ദുജയുടെ ഫോണ് ഫോര്മാറ്റ് ചെയ്ത നിലയിലാണെന്നാണ് പൊലീസിന്റെ കണ്ടെത്തല്. രണ്ടാംപ്രതി അജാസാണ് ഫോണ് ഫോര്മാറ്റ് ചെയ്തത്. തെളിവ് നശിപ്പിക്കാന് ശ്രമിച്ചുവെന്ന് പൊലീസ് പറഞ്ഞു. ഇന്ദുജയുടെ ഫോണിന്റെ പാസ്സ്വേര്ഡ് അജാസിന് അറിയാമായിരുന്നു. മരിക്കുന്നതിന് മുന്പ് ഇന്ദുജ സംസാരിച്ചത് അജാസിനോടാണെന്നും കഴിഞ്ഞ ദിവസം വ്യക്തമായിരുന്നു.
അതേസമയം, ഇന്ദുജ മരിക്കുന്നതിന്റെ തലേ ദിവസവും തന്നെ വിളിച്ചിരുന്നുവെന്നും വീട്ടിലെ കാര്യങ്ങള് സംസാരിച്ചിരുന്നുവെന്നും സഹോദരന് ഷിനു വെളിപ്പെടുത്തി. ഇന്ദുജയ്ക്ക് അഭിജിത്തുമായുള്ള പ്രണയത്തെ പറ്റി അറിയില്ലായിരുന്നു. വീട്ടില് നിന്ന് ഇറങ്ങി പോയതിന് ശേഷമാണ് അറിയുന്നതെന്നും സഹോദരന് പറഞ്ഞു.
കൊന്നമൂട് സ്വദേശിനിയായ ഇന്ദുജയെ പാലോടുള്ള ഭര്തൃ വീട്ടില് തൂങ്ങി മരിച്ച നിലയില് കണ്ടെത്തുകയായിരുന്നു. ഭര്ത്താവ് അഭിജിത്ത് ഉച്ചയ്ക്ക് വീട്ടില് ഭക്ഷണം കഴിക്കാന് എത്തിയപ്പോള് മുറിയിലെ ജനലില് തൂങ്ങിയ നിലയില് ഇന്ദുജയെ കണ്ടെത്തുകയായിരുന്നു. ഈ സമയം അഭിജിത്തിന്റെ അമ്മൂമ്മ മാത്രമായിരുന്നു വീട്ടില് ഉണ്ടായിരുന്നത്.
