തോപ്പംപടി ബീച്ച് റോഡില്‍ ചെറുവള്ളം കത്തി നശിച്ചു. മത്സ്യത്തൊഴിലാളിയായ ഡെയ്‌സന്റെ ഉടമസ്ഥതയിലുള്ള വള്ളമാണ് കത്തിയത്. തോപ്പുംപടി പൊലീസ് സംഭവത്തില്‍ അന്വേഷണം ആരംഭിച്ചു.
ഞായറാഴ്ച്ച പുലര്‍ച്ചെ 5 മണിയോടെയാണ് മത്സ്യത്തൊഴിലാളിയായ ഡെയ്‌സന്റെ വള്ളം കത്തിയത്. വള്ളം കത്തുന്നതു കണ്ട സുഹൃത്തുക്കളാണ് ഡെയ്‌സണെ വിവരം അറിയിക്കുന്നത്. ഡെയ്‌സണ്‍ വന്നു നോക്കുമ്പോഴേക്കും വള്ളം പൂര്‍ണ്ണമായി കത്തി നശിച്ചിരുന്നു. ഈ വള്ളം ഉപയോഗിച്ച് മീന്‍ പിടിച്ചാണ് ഉപജീവനം നടത്തുന്നതെന്നും ഒരു ലക്ഷം രൂപയുടെ നഷ്ടമുണ്ടായതായും ഡെയ്‌സണ്‍ പറഞ്ഞു.
ഡെയ്‌സണ്‍ നല്‍കിയ പരാതിയെത്തുടര്‍ന്ന് തോപ്പുംപടി പൊലീസ് സംഭവസ്ഥലത്തെത്തി പരിശോധന നടത്തി.
