കൊല്ലം: കേന്ദ്രമന്ത്രി സുരേഷ് ഗോപിയുടെ കൊല്ലത്തെ കുടുംബവീട്ടില് നടന്ന മോഷണത്തില് നിര്ണായകമായ സിസിടിവി ദൃശ്യങ്ങള് പുറത്ത്. മോഷണത്തിനായി പ്രതികള് എത്തുന്ന ദൃശ്യങ്ങളാണ് പുറത്ത് വന്നിരിക്കുന്നത്. അയല്വീട്ടിലെ സിസിടിവി ദൃശ്യങ്ങളാണിത്. ഈ ദൃശ്യങ്ങളുടെ സഹായത്തോടെയാണ് പ്രതികളെ പൊലീസ് പിടികൂടിയത്. ഷിമാസ്, അരുണ് എന്നിവരാണ് മോഷണക്കേസില് അറസ്റ്റിലായത്.
വീടിനോട് ചേര്ന്ന് ഷെഡില് നിന്നാണ് പഴയ വസ്തുക്കള് മോഷ്ടിച്ചത്. നേരത്തെയും ഇവിടെ പ്രതികള് മോഷണം നടത്തിയിട്ടുണ്ടെന്ന് പൊലീസ് അറിയിച്ചു. ഇരവിപുരം പൊലീസാണ് കേസ് അന്വേഷിച്ചത്. കഴിഞ്ഞ ദിവസം വൈകിട്ടോടെയാണ് മോഷണം നടന്നത്. വീടിനോട് ചേര്ന്ന ഷെഡില് നിന്ന് പൈപ്പുകളും പഴയ പാത്രങ്ങളുമാണ് മോഷണം പോയത്.
