എസ്.എഫ്.ഐ പ്രവര്ത്തകന് ധീരജിന്റെ കൊലപാതകത്തിന് പിന്നാലെയുള്ള രാഷ്ട്രീയ സംഘര്ഷങ്ങളെ മുന്നിര്ത്തി പ്രതിപക്ഷ നേതാവ് വി.ഡി. സതീശന്റെ സുരക്ഷ വര്ധിപ്പിച്ചു. ഇതുസംബന്ധിച്ച് ജില്ലാ പൊലീസ് മേധാവികള്ക്ക് പൊലീസ് ആസ്ഥാനത്ത് നിന്ന് രേഖാമൂലം നിര്ദേശം നല്കി.
പ്രാദേശിക പരിപാടികള് ഉള്പ്പെടെയുള്ളവയില് എസ്കോര്ട്ട് നല്കണമെന്നാണ് നിര്ദേശം. കെ.പി.സി.സി അധ്യക്ഷന് കെ.സുധാകരന്റേയും സുരക്ഷ വര്ധിപ്പിക്കാന് ഇന്റലിജന്സ് നിര്ദേശമുണ്ടായിരുന്നു.
കെ. സുധാകരന് നിലവിലുള്ള ഗണ്മാന് പുറമേ കമാന്റോ ഉള്പ്പെടെയുള്ള സുരക്ഷയൊരുക്കണം. പ്രതിപക്ഷ നേതാവിന് ആവശ്യമായ സുരക്ഷയും എസ്കോർട്ടും പൈലറ്റും നൽകാനാണ് എല്ലാ ജില്ലാ പൊലീസ് മേധാവികളോടും നിർദേശിച്ചിരിക്കുന്നത്. കെ.പി.സി.സി പ്രസിഡന്റ് പങ്കെടുക്കുന്ന പൊതുസമ്മേളനങ്ങളില് സ്പെഷ്യല് ബ്രാഞ്ച് നിരീക്ഷണം ഏര്പ്പെടുത്തണം. സുധാകരന്റെ വീടിന് പൊലീസ് കാവല് നല്കണം തുടങ്ങിയ സുരക്ഷ നിര്ദേശങ്ങളാണ് ഇന്റലിജന്സ് മുന്നോട്ട് വെച്ചത്.
സംസ്ഥാനത്തിന്റെ വിവിധ ഭാഗങ്ങളില് കോണ്ഗ്രസ് ഓഫീസുകള്ക്ക് നേരെ ആക്രമണങ്ങള് ഉണ്ടാവുന്നുണ്ട്. കൊയിലാണ്ടിയില് ബ്ലോക്ക് കോണ്ഗ്രസ് കമ്മിറ്റി ഓഫീസായ സി.കെ.ജി സെന്ററിന് നേരെ ആക്രണം ഉണ്ടായിരുന്നു.
