തലശ്ശേരിയിൽ ഡോക്ടറെ മുഖത്തടിച്ച് രോഗി, അക്രമി മദ്യപിച്ചിരുന്നെന്ന് പൊലീസ്

കണ്ണൂർ∙ തലശ്ശേരി ജനറൽ ആശുപത്രിയിൽ ചികിത്സക്കെത്തിയ രോഗി ഡോക്ടറെ മർദിച്ചെന്ന് പരാതി. ഡോ. അമൃത രാഗിയെയാണ് രോഗി ആക്രമിച്ചത്. ഇന്നു പുലർച്ചെ രണ്ടുമണിയോടെയാണ് സംഭവം നടന്നത്.

വാഹനാപകടത്തിൽ പരുക്കേറ്റെത്തിയ പാലയാട് സ്വദേശി മഹേഷാണ് ഡോക്ടറെ മർദിച്ചത്. പരിശോധനയ്ക്കിടെ ഡോക്ടറെ അസഭ്യം പറയുകയും മുഖത്ത്‌ അടിക്കുകയും ചെയ്തുവെന്നാണു പരാതി. ഡോക്ടർ പൊലീസിൽ പരാതി നൽകി. അക്രമി മദ്യപിച്ചിരുന്നെന്ന് പൊലീസ് പറഞ്ഞു.