തിരുവനന്തപുരം: സ്കൂള് സമയമാറ്റത്തില് സമസ്തയുമായി ചര്ച്ചയ്ക്ക് തയ്യാറാണെന്ന് വിദ്യാഭ്യാസ മന്ത്രി വി.ശിവന് കുട്ടി. സമസ്ത സമയം അറിയിച്ചാല് മതി. കോടതിയുടെ നിലപാടാണ് പറഞ്ഞതെന്നും ധിക്കാരമായി ഒന്നും പറഞ്ഞിട്ടില്ലെന്നും ശിവന് കുട്ടി പറഞ്ഞു.
കാസര്കോട് ബന്തടുക്കയില് വിദ്യാര്ഥികളെ കൊണ്ട് അധ്യാപകരുടെ പാദപൂജ ചെയ്യിച്ചതില് റിപ്പോര്ട്ട് തേടുമെന്ന് മന്ത്രി പറഞ്ഞു. റിപ്പോര്ട്ട് ലഭിച്ചതിന് ശേഷം തുടര് നടപടികള് സ്വകരിക്കുമെന്നും അദ്ദേഹം കൂട്ടിച്ചേര്ത്തു.
ചര്ച്ചക്ക് തയാറാണെന്ന വിദ്യാഭ്യാസ മന്ത്രിയുടെ നിലപാടിനെ സ്വാഗതം ചെയ്യുന്നുവെന്ന് സമസ്ത അറിയിച്ചു. ചര്ച്ചയിലൂടെ പ്രശ്നം പരിഹരിക്കപ്പെടണം. ചര്ച്ച വിജയിച്ചാല് പ്രക്ഷോഭം മാറ്റും. ചര്ച്ചക്ക് മുന്കൈ എടുക്കാന് വൈകി. മുസ്ലിം സമൂഹം ഉന്നയിച്ച ആവശ്യം പരിഗണിക്കണമായിരുന്നു. ചര്ച്ച സമയം വിദ്യാഭ്യാസ മന്ത്രി അറിയിക്കട്ടെയെന്നും സമസ്ത വ്യക്തമാക്കി.
