ഡൽഹി: നെടുമ്പാശ്ശേരി അപകടം ശ്രദ്ധയിൽപ്പെട്ടപ്പോൾ തന്നെ മദ്യം നൽകിയ സ്ഥാപനങ്ങൾക്കെതിരെ കേസെടുക്കാൻ നിർദേശം നൽകിയിരുന്നതായി എക്സൈസ് മന്ത്രി എം. ലിജു. അപകടത്തിൽ ഇടപെട്ടു എന്ന ഡിവൈഎഫ്ഐയുടെ ആരോപണം പൂർണമായി നുണയാണ്. ഡിവൈഎഫ്ഐ ഇത്തരം നുണപ്രചാരണങ്ങൾ അവസാനിപ്പിക്കണമെന്നും തെറ്റായ വിവരങ്ങൾ പ്രചരിപ്പിക്കുന്നവരെ പിന്തിരിപ്പിക്കാൻ സംസ്ഥാന ഡിവൈഎഫ്ഐയും സിപിഐഎം നേതൃത്വവും തയ്യാറാകണമെന്നും അദ്ദേഹം ആവശ്യപ്പെട്ടു.
ഒരു പ്രതിക്കുവേണ്ടിയും ഇടപെട്ടിട്ടില്ലെന്നും മദ്യപിച്ച് മൂന്ന് പേരുടെ ജീവനെടുത്ത പ്രതിക്ക് പരമാവധി ശിക്ഷ നൽകണമെന്നാണ് അഭിപ്രായമെന്നും അദ്ദേഹം വ്യക്തമാക്കി. തനിക്ക് പ്രതിയെക്കുറിച്ച് അറിയില്ലെന്നും മോട്ടോർ വാഹന നിയമം കുറച്ചുകൂടി കർശനമാക്കണമെന്നാണ് തന്റെ അഭിപ്രായമെന്നും മന്ത്രി പറഞ്ഞു.
ഡിവൈഎഫ്ഐ ആരോപണങ്ങൾ പൂർണ്ണമായും തള്ളി കോൺഗ്രസ് നേതാവ് എ.എ. ഷുക്കൂറും രംഗത്തെത്തി. സർക്കാരും പൊതുസമൂഹവും കർശനമായ നിയമങ്ങളുമായി മുന്നോട്ടുപോകുമ്പോൾ ‘ചോര തന്നെ കൊതുകിന് കൗതുകം’ എന്ന തരത്തിലാണ് ഡിവൈഎഫ്ഐ പ്രവർത്തിക്കുന്നത് എന്ന് അദ്ദേഹം വിമർശിച്ചു. തനിക്ക് പ്രതികളെ അറിയില്ലെന്നും ആരോപണം തെളിയിക്കാൻ കഴിഞ്ഞാൽ പൊതുപ്രവർത്തനം അവസാനിപ്പിക്കാൻ തയ്യാറാണെന്നും എ.എ. ഷുക്കൂർ വെല്ലുവിളിച്ചു.
