തിരുവനന്തപുരം: പത്മജ വേണുഗോപാല് ബിജെപി വിട്ടതില് പ്രതികരണവുമായി കെ മുരളീധരന്. പാര്ട്ടി വിടുന്നതൊക്കെ അവരവരുടെ ഇഷ്ടമല്ലേ എന്ന് കെ മുരളീധരന് ചോദിച്ചു. ആര് കോണ്ഗ്രസില് വന്നാലും സ്വാഗതം ചെയ്യുമെന്നും അദ്ദേഹം കൂട്ടിച്ചേര്ത്തു.
യുഡിഎഫില് അഭിപ്രായ ഭിന്നതകള് രൂക്ഷമെന്ന ആക്ഷേപത്തില് മന്ത്രി മുരളീധരന് പ്രതികരണം അറിയിച്ചു. ജനാധിപത്യത്തില് ഇതൊക്കെ പതിവായി നടക്കുന്ന കാര്യങ്ങളാണ്. എല്ലാവരും അവരവരുടെ അഭിപ്രായങ്ങള് തുറന്നുപറഞ്ഞു. അന്തിമ തീരുമാനം മുഖ്യമന്ത്രിയുടേതാണ്. മുഖ്യമന്ത്രി എല്ലാവരുടേയും അഭിപ്രായങ്ങള് കേട്ടു. ചര്ച്ച ചെയ്യുന്നത് ജനാധിപത്യത്തിന് മോശമെന്ന രീതിയിലാണ് ഇപ്പോള് ചില ചര്ച്ചകള് നടക്കുന്നത്. ഒരു നേതാവ് പറയുന്നത് കേട്ട് മാത്രം പ്രവര്ത്തിച്ചവര് തോറ്റപ്പോള് എല്ലാവരും അയാളെ കുറ്റം പറഞ്ഞതല്ലേ എന്നും കെ മുരളീധരന് ചോദിച്ചു.
ഇന്നലെ മന്ത്രിസഭയില് കൂട്ടയടി, ഭൂകമ്പം എന്നൊക്കെയുള്ളത് തെറ്റായ വാര്ത്തകളാണെന്ന് കെ മുരളീധരന് പറഞ്ഞു. ചര്ച്ചകള് നടന്നു. കൂടിയാലോചന നടക്കേണ്ട സമയത്തൊക്കെ അത് നടക്കുന്നുണ്ട്. എന്താണ് അഭിപ്രായമെന്ന് നമ്മളോട് വന്ന് ചോദിക്കാന് ആരും കാത്തിരിക്കരുത്. സമയത്ത് വേദികളില് പറയുകയോ നിര്ദേശങ്ങള് എഴുതി നല്കുകയോ വേണമെന്നും അദ്ദേഹം കൂട്ടിച്ചേര്ത്തു.
