തിരുവനന്തപുരം: ഓക്‌സിജന്‍ സിലിണ്ടറിലെ ഫ്‌ലോ മീറ്റര്‍ പൊട്ടിത്തെറിച്ച് അപകടത്തില്‍ അനസ്‌തേഷ്യ ടെക്‌നീഷ്യന് പരിക്ക്. തിരുവനന്തപുരം മെഡിക്കല്‍ കോളേജിലാണ് അപകടം ഉണ്ടായത്. ഇന്നലെ ഉച്ചയ്ക്ക് ആയിരുന്നു അപകടം നടന്നത്. മെഡിക്കല്‍ കോളേജിലെ ബി തിയേറ്ററില്‍ ആയിരുന്നു ഓക്‌സിജന്‍ സിലിണ്ടറിലെ ഫ്‌ലോമീറ്റര്‍ പൊട്ടിത്തെറിച്ചത്. അനസ്‌തേഷ്യ ടെക്‌നീഷ്യനായ അഭിഷേകനാണ് പരിക്കേറ്റത്.
അഭിഷേകിനെ ഉടന്‍തന്നെ കാഷ്വാലിറ്റിയിലെത്തിച്ച് ചികിത്സ നല്‍കി. തുടര്‍ന്ന് താമസസ്ഥലത്തേക്ക് പോയെങ്കിലും രാത്രി 11 മണിയോടെ ഛര്‍ദ്ദിലും മറ്റും കലശലായതിനെ തുടര്‍ന്ന് മെഡിക്കല്‍ കോളേജില്‍ എത്തിച്ചു. തുടര്‍ന്നുള്ള പരിശോധനയില്‍ തലയോട്ടിക്ക് പൊട്ടല്‍ ഉള്ളതായി കണ്ടെത്തി. ഇയാളെ നിലവില്‍ എംഐസിയുവില്‍ പ്രവേശിപ്പിച്ചിരിക്കുകയാണ്.
