വിവാദങ്ങൾക്ക് പിന്നാലെ പാഠ്യപദ്ധതി പരിഷ്കരണവുമായി ബന്ധപ്പെട്ട കരട് സമീപന രേഖയിലെ ചോദ്യത്തില് മാറ്റം വരുത്തി സര്ക്കാര്.ലിംഗസമത്വത്തലധിഷ്ഠിതമായ വിദ്യാഭ്യാസം’ എന്ന തലക്കെട്ട് മാറ്റി. പകരം ‘ലിംഗനീതിയിലധിഷ്ഠിതമായ വിദ്യാഭ്യാസം’ എന്നാക്കി മാറ്റി .ക്ലാസ്സുകളില് ലിംഗ വ്യത്യാസമില്ലാതെ ഇരിപ്പിട സൗകര്യങ്ങള് ഒരുക്കേണ്ടതല്ലേ എന്ന ചോദ്യം തിരുത്തി. ഇരിപ്പടം എന്ന വാക്ക് ഒഴിവാക്കി സ്കൂള് അന്തരീക്ഷം എന്ന വാക്ക് ഉള്പ്പെടുത്തി. പാഠ്യപദ്ധതി പരിഷ്കരണവുമായി ബന്ധപ്പെട്ട് പൊതുസമൂഹത്തിനായി പുറത്തിറക്കിയ കരട് സമീപന രേഖയിലാണ് മാറ്റം വരുത്തിയത്.
പാഠ്യപദ്ധതി പരിഷ്കരണവുമായി ബന്ധപ്പെട്ട് സമൂഹ ചര്ച്ചക്ക് നല്കാന് എസ്.സി.ആര്.ടി ആണ് കരട് സമീപന രേഖ പുറത്തിറക്കിയത്. ഇതിലാണ് ക്ലാസ്സുകളില് ലിംഗവ്യത്യാസമില്ലാതെ ഇരിപ്പിടങ്ങള് ഒരുക്കേണ്ടതിനെ കുറിച്ചുള്ള ചോദ്യമുള്ളത്.
ഇതിന് പിന്നാലെയാണ് ചോദ്യത്തില് തിരുത്തല് വരുത്തിയത്. കരട് സമീപന രേഖയിലെ ചോദ്യത്തില് നിന്ന് ഇരിപ്പിടം എന്ന വാക്ക് തിരുത്തി സ്കൂള് അന്തരീക്ഷം എന്നാണ് കൊടുത്തിരിക്കുന്നത്.
ജെന്ഡര് പാഠ്യപദ്ധതിയില് ജെന്ഡര് ന്യൂട്രല് ആശയങ്ങള് നടപ്പാക്കുന്നത് നിര്ത്തിവയ്ക്കണമെന്ന് മുസ്ലിം സംഘടനകള് സര്ക്കാരിനോട് ആവശ്യപ്പെടുകയും മുസ്ലിം ജമാഅത്ത് ഉള്പ്പെടെയുള്ള സംഘടനകള് ആശയപ്രചരണവുമായി രംഗത്തിറങ്ങുകയും ചെയ്തിരുന്നു
