കണ്ണൂർ: ബിഡിഎസ് വിദ്യാർഥി നിതിൻ രാജ് മരിച്ച കേസിൽ ഹൈക്കോടതിയെ സമീപിക്കാനൊരുങ്ങി ആരോപണവിധേയനായ ഡോ. റാം. മുൻകൂർ ജാമ്യം നിഷേധച്ചതിന് പിന്നാലെയാണ് കോടതിയെ സമീപിക്കുന്നത്. ജാമ്യം തള്ളിയതിനെതിരെ ഹൈക്കോടതിയിൽ ഹർജി സമർപ്പിക്കും. കഴിഞ്ഞ ദിവസമാണ് തലശേരി അഡീഷണൽ സെഷൻസ് കോടതി റാമിൻ്റെ മുൻകൂർ ജാമ്യാപേക്ഷ തള്ളിയത്.
ജാതിയുടെ പേരിൽ നിതിൻ രാജിനെ അപമാനിച്ചതിന് തെളിവില്ലെന്നും, ഡോ. റാം വിദ്യാർഥികളോട് മോശമായി പെരുമാറിയിരുന്നെങ്കിലും അത് ജാതിയെ അടിസ്ഥാനപ്പെടുത്തിയല്ലെന്നും ജാമ്യം നിഷേധിച്ചുകൊണ്ടുള്ള ഉത്തരവിൽ കോടതി അറിയിച്ചിരുന്നു.
