കൊച്ചി: മലയാറ്റൂരില്‍ പൊലീസുകാരനെ ഇടിച്ചു തെറിപ്പിച്ച പിക്കപ്പ് വാന്‍ നിര്‍ത്താതെ പോയി. കെ.എ.പിയിലെ പൊലീസുകാരനായ അതിരമ്പുഴ സ്വദേശി നിതിനെയാണ് പിക്കപ്പ് വാനിടിച്ചത്. ആലുവയിലെ സ്വകാര്യ ആശുപത്രിയില്‍ പ്രവേശിപ്പിച്ച നിധിനെ വയറില്‍ ശസ്ത്രക്രിയ നടത്തി. ഇദ്ദേഹം അപകടനില തരണം ചെയ്തു.
ഇന്നലെ രാത്രി മലയാറ്റൂരില്‍ ഡ്യൂട്ടി കഴിഞ്ഞ് മടങ്ങി വരുകയായിരുന്നു നിതിന്‍. റോഡരികിലൂടെ നടന്ന് വരുമ്പോള്‍ എതിരെയെത്തിയ പിക്കപ്പ് വാന്‍ ഇടിച്ച് തെറിപ്പിക്കുകയായിരുന്നു. ഇതിന്റെ സിസിടിവി ദൃശ്യങ്ങള്‍ പുറത്തുവന്നു. ഇടിച്ച പിക്കപ്പ് വാന്‍ തിരിച്ചറിഞ്ഞതായി കാലടി എസ്.എച്ച്.ഒ പറഞ്ഞു.
