മലപ്പുറം: നിലമ്പൂരില് വി എസ് ജോയ് കോണ്ഗ്രസ് സ്ഥാനാര്ഥിയാകും. ഇക്കാര്യത്തില് നേതാക്കള്ക്കിടയില് ധാരണയായെന്നാണ് സൂചന. കേന്ദ്ര സര്വേയില് വിഎസ് ജോയിക്കാണ് മുന്തൂക്കം. പി വി അന്വറുമായി ചര്ച്ച നടത്തിയ ശേഷമായിരിക്കും പ്രഖ്യാപനമുണ്ടാവുക.
സര്വ്വേ അടിസ്ഥാനമാക്കിയാണ് സ്ഥാനാര്ത്ഥി നിര്ണയം നടത്തുന്നത്. രണ്ട് സര്വേകളാണ് കോണ്ഗ്രസ് മണ്ഡലത്തില് നടത്തിയത്. വിജയസാധ്യത മാത്രമാണ് സ്ഥാനാര്ത്ഥി നിര്ണയത്തിലെ മാനദണ്ഡമായി സ്വീകരിച്ചത്. ഈ സര്വേകളില് വി എസ് ജോയിക്ക് മുന്തൂക്കം ലഭിച്ചു. മണ്ഡലത്തിലെ നേതാക്കളും ജോയുടെ പേരാണ് മുന്നോട്ടുവെക്കുന്നത്.
വി എസ് ജോയ് ഡിസിസി അദ്ധ്യക്ഷനായതിന് ശേഷം ജില്ലയില് കോണ്ഗ്രസിന് വലിയ മുന്നേറ്റം ഉണ്ടായെന്നാണ് വിലയിരുത്തുന്നത്. മുസ്ലിം ലീഗുമായും നല്ല ബന്ധമാണ് ജോയ് പുലര്ത്തുന്നത്. അതിനാല് ജോയുടെ സ്ഥാനാര്ത്ഥിത്വത്തോട് ലീഗിനും എതിര്പ്പുണ്ടാവില്ല.
