അയല്വാസിയുമായി തര്ക്കത്തെ തുടര്ന്ന് കൈത്തണ്ട മുറിച്ച് കിണറ്റില് ചാടിയ വയോധികന് മരിച്ചു. പത്തനംതിട്ട അടൂര് പള്ളിക്കല് ജൂവല് വീട്ടില് വാസുദേവന് (65) ആണ് മരിച്ചത്. അയല്വാസിയായ യുവതിയുടെ വീടിന്റെ സിറ്റൗട്ടില് ചെന്നാണ് കൈത്തണ്ട മുറിച്ചത്. പിന്നാലെ തൊട്ടടുത്തുള്ള പഞ്ചായത്ത് കിണറ്റിലേക്ക് ചാടുകയായിരുന്നു. വാസുദേവന്റെ മകന് വീട്ടിലെത്തി നഗ്നത പ്രദര്ശനം നടത്തിയെന്ന് അയല്ക്കാരി പരാതി നല്കിയിരുന്നു. മതില് നിര്മ്മാണവുമായി ബന്ധപ്പെട്ടും ഇവര് തമ്മില് തര്ക്കങ്ങള് നിലനിന്നിരുന്നു.
