കോഴിക്കോട്: കോഴിക്കോട് റെയില്വേ സ്റ്റേഷനില് കെട്ടിടം തകര്ന്നുവീണ് അപകടം. മൂന്നാം നമ്പര് പ്ലാറ്റ്ഫോമിലെ ക്ലോക്ക് ടവറാണ് തകര്ന്നുവീണത്. യാത്രക്കാര് ഇല്ലാതിരുന്നതിനാല് വന് അപകടം ഒഴിവായി. ഒരു തീവണ്ടി ഈ പ്ലാറ്റ്ഫോമില് നിര്ത്തിയിട്ടിരുന്നു. അതില് ആളുകള് ഉണ്ടായിരുന്നില്ല. രണ്ടും മൂന്നും പ്ലാറ്റ്ഫോമുകള്ക്കിടയിലാണ് ക്ലോക്ക് ടവര് സ്ഥിതി ചെയ്തിരുന്നത്. മുകളിലെ മേല്ക്കൂര ഉള്പ്പെടെയാണ് രണ്ടാം നമ്പര് പ്ലാറ്റ്ഫോമിലേക്ക് തകര്ന്നുവീണിരിക്കുന്നത്. രാവിലെ പതിനൊന്നേകാലോടെയാണ് സംഭവമുണ്ടായത്.
