ജസ്റ്റിസ് ഹേമ കമ്മിറ്റി റിപ്പോര്ട്ടിന്മേലുള്ള നിലപാടില് സംസ്ഥാന സര്ക്കാരിനെതിരെ ആഞ്ഞടിച്ച് നടി പാര്വതി. റിപ്പോര്ട്ട് നീട്ടിക്കൊണ്ടുപോകാന് സര്ക്കാര് ശ്രമിക്കുന്നു. റിപ്പോര്ട്ട് പുറത്തുവന്നാല് പല വിഗ്രഹങ്ങളും ഉടയും. സര്ക്കാര് സ്ത്രീ സൗഹൃദമാകുന്നത് തെരഞ്ഞെടുപ്പ് കാലത്ത് മാത്രമെന്നും പാര്വതി വിമര്ശിച്ചു. ഹേമ കമ്മിറ്റി റിപ്പോർട്ട് പുറത്ത് വിടാത്തതിനെതിരെ ഐഎഫ്എഫ്കെ വേദിയിലുൾപ്പെടെ വിമർശനം ഉയർന്നിരുന്നു.ചലച്ചിത്രമേഖലയില് ആഭ്യന്തര പരാതി പരിഹാര സെല് ഇല്ലാത്തത് പലരും മുതലെടുക്കുന്നു.
അവകാശ സംരക്ഷണത്തിന് വേണ്ടി സംസാരിച്ചപ്പോള് അവസരം ഇല്ലാതാക്കുമെന്ന് മുന്നറിയിപ്പ് കിട്ടിയെന്നും പാർവതി വ്യക്തമാക്കി. മാറ്റി നിര്ത്താനും നിശബ്ദയാക്കാനും ശ്രമിച്ചു. സഹപ്രവര്ത്തകര്ക്ക് ചൂഷണം നേരിടേണ്ടി വരുന്നത് കണ്ടിരിക്കാൻ വയ്യാത്തത് കൊണ്ടാണ് ശബ്ദിച്ചത്. സിനിമയിലെ കരുത്തരായ ചിലരാണ് ആഭ്യന്തര പരിഹാര സെല്ലിനെ എതിര്ക്കുന്നതെന്നും പാർവതി വിമർശിക്കുന്നു.
