ചോളസാമ്രാജ്യത്തിന്റെ ഇതിഹാസ തുല്യമായ ചരിത്രത്തെ ആധാരമാക്കി മണിരത്നം ഒരുക്കുന്ന ചിത്രം പൊന്നിയിന് സെല്വനിലെ അടുത്ത ക്യാരക്ടര് പോസ്റ്റര് അണിയറ പ്രവര്ത്തകര് പുറത്തുവിട്ടു. ചോളരാജകുമാരിയായ കുന്ദവൈയുടെ വേഷത്തിലെത്തുന്ന നടി തൃഷയുടെ ക്യാരക്ടര് പോസ്റ്ററാണ് പുറത്തുവന്നിരിക്കുന്നത്. പുരുഷന്മാരുടെ ലോകത്തെ ധീരയായ സ്ത്രീയെന്നാണ് കുന്ദവൈയെ കുറിച്ച് പോസ്റ്ററില് നല്കിയിരിക്കുന്ന വാചകം. സിനിമയിലെ മറ്റ് കഥാപാത്രങ്ങളുടെ പോസ്റ്ററുകളും കഴിഞ്ഞ ദിവസങ്ങളില് പുറത്തുവന്നിരുന്നു.
പഴുവൂര് രാജ്യത്തിന്റെ രാജ്ഞിയായ നന്ദിനിയായി ഐശ്വര്യ റായിയും, ആദിത്യ കരികാലനായി വിക്രവും വന്തിയ തേവനായി കാര്ത്തിയും എത്തുന്ന പോസ്റ്ററുകളാണ് പുറത്തുവന്നിരുന്നത്.
