വിവാഹ വാഗ്ദാനം നല്കി പീഡിപ്പിച്ചെന്ന കേസില് യൂത്ത് കോണ്ഗ്രസ് നേതാവ് അറസ്റ്റില്. യൂത്ത് കോണ്ഗ്രസ് ആറന്മുള ബ്ലോക്ക് വൈസ് പ്രസിഡന്റ് അഭിജിത്തിനെയാണ് അറസ്റ്റ് ചെയ്തത്. വിവാഹ വാഗ്ദാനം നല്കി അഭിഭാഷക വിദ്യാര്ഥിനിയെ പീഡിപ്പിച്ചെന്നാണു പരാതി.
ഇന്ന് രാവിലെയാണ് കേസില് ഇന്നലെ ചോദ്യം ചെയ്യുന്നതിനായി കസ്റ്റഡിയിലെടുത്ത അഭിജിത്ത് സോമന്റെ അറസ്റ്റ് രേഖപ്പെടുത്തിയത്. കഴിഞ്ഞദിവസമാണ് കടമ്മനിട്ടയിലെ സ്വകാര്യ ലോ കോളജിലെ വിദ്യാര്ഥിനി ആത്മഹത്യയ്ക്ക് ശ്രമിച്ചത്. ഹോസ്റ്റലില് വച്ച് ആത്മഹത്യയ്ക്ക് ശ്രമിച്ച പെണ്കുട്ടിയെ ആശുപത്രിയില് പ്രവേശിപ്പിച്ചു. ആത്മഹത്യാശ്രമവുമായി ബന്ധപ്പെട്ട് പൊലീസ് മൊഴിയെടുത്തപ്പോഴാണ് വിദ്യാര്ത്ഥിനി പീഡന വിവരം പറഞ്ഞത്. ആത്മഹത്യയ്ക്ക് ശ്രമിച്ച വിദ്യാര്ഥിനിയെ ആശുപത്രിയില് എത്തിച്ചതും അഭിജിത്ത് സോമനാണ്.
പെണ്കുട്ടിയില് നിന്ന് ഒരു ലക്ഷം രൂപയോളം തട്ടിയെടുത്തതായും പരാതിയുണ്ട്. പണം തിരികെ ചോദിച്ച പെണ്കുട്ടിയെ വാഹനത്തില് കൂട്ടിക്കൊണ്ടുപോയി മര്ദിച്ചുവെന്നും പറയുന്നു.
