വ്യാപാരികളുടെ അവകാശങ്ങള് സംരക്ഷിക്കാന് എന്നും മുന്നില് നിന്നിട്ടുള്ള പ്രസ്ഥാനമാണ് വ്യാപാരി വ്യവസായി സമിതി എന്ന് ജില്ലാ പ്രസിഡന്റ് സൂര്യ അബ്ദുല് ഗഫൂര് പറഞ്ഞു. വ്യാപാരി വ്യവസായി സമിതി കുന്ദമംഗലം യൂണിറ്റ് സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ”കച്ചവടക്കാരന്റെ കരുത്തായി കൂടെയുണ്ടാകു”മെന്ന തലക്കെട്ടില് അജ് വ ഹോട്ടലില് ആയിരുന്നു പരിപാടി നടന്നത്. യൂണിറ്റ് പ്രസിഡന്റ് ബഷീര് നീലാറമ്മല് അധ്യക്ഷത വഹിച്ചു. വ്യാപാരി വ്യവസായി സമിതി സംസ്ഥാന ജോയിന്റ് സെക്രട്ടറി സി.കെ. വിജയന് മുഖ്യ പ്രഭാഷണം നടത്തി.
ഇ. പി. അന്വര് സാദത്ത് അനുശോചന പ്രമേയം അവതരിപ്പിച്ചു. വ്യാപാരി വ്യവസായി സമിതി ജില്ലാ സെക്രട്ടറി ടി. മരക്കാര് സംഘടന റിപ്പോര്ട്ട് അവതരിപ്പിച്ചു. എസ്.എസ്.എല്.സി, പ്ലസ്ടു ഉന്നത വിജയം നേടിയ വിദ്യാര്ഥികളെ ആദരിച്ചു. ജില്ലാ കമ്മിറ്റി അംഗം ദേവദാസന്, പി.ഷൈപ്പു, രാജന് പാറപ്പുറത്ത് തുടങ്ങിയവര് സംസാരിച്ചു. റഹൂഫ് കനൂപി, പി.എം. ഹനീഫ, എന്.ദാനിഷ് തുടങ്ങിയവര് നേതൃത്വം നല്കി. എം.കെ. സുഭാഷ് സ്വാഗതവും സിദ്ധിഖ് മിന്സാര നന്ദിയും പറഞ്ഞു.
