പാമ്പാടിയില് കഴിഞ്ഞ ദിവസം നാട്ടുകാരെ കടിച്ച തെരുവുനായയ്ക്ക് പേവിഷബാധ.വീട്ടില് കിടന്നുറങ്ങിയ സ്കൂള് വിദ്യാര്ഥിയടക്കം ഏഴു പേര്ക്കാണ് ഇന്നലെ നായയുടെ കടിയേറ്റത്. പോസ്റ്റുമോര്ട്ടത്തിലാണ് നായക്ക് പേവിഷബാധ സ്ഥിരീകരിച്ചത്. വെള്ളൂര് കവലയ്ക്ക് സമീപം ശനിയാഴ്ച വൈകീട്ട് മൂന്നുമണിയോടെയായിരുന്നു സംഭവം. നായ മുറ്റത്തുനിന്നവരെയും വീട്ടിനുള്ളിലിരുന്നവരെയും വഴിയെ നടന്നുപോയവരെയും കടിച്ചശേഷം ഓടിപ്പോയി. നാട്ടുകാര് സംഘടിച്ചെത്തിയപ്പോഴേക്കും നായ രക്ഷപ്പെട്ടു. പിന്നീട് നായയെ ചത്തനിലയില് കണ്ടെത്തി.അതിനിടെ, മുപ്പത്തിനാല് മുറിവുകളാണ് മിനിട്ടുകള് മാത്രം നീണ്ട നായ ആക്രമണത്തില് പാറയ്ക്കല് നിഷ സുനിലിന് ഉണ്ടായത് തെരുവുനായ ആക്രമിക്കുന്നതിന്റെ സിസിടിവി ദൃശ്യങ്ങളും പുറത്തുവന്നിരുന്നു . പോസ്റ്റുമോര്ട്ടം റിപ്പോര്ട്ടിന്റെ അടിസ്ഥാനത്തില് തുടര് പ്രതിരോധ പ്രവര്ത്തനങ്ങള് സ്വീകരിക്കാനാണ് പഞ്ചായത്ത് തീരുമാനം. കടിയേറ്റവരെല്ലാം കോട്ടയം മെഡിക്കല് കോളജില് നിന്ന് പ്രതിരോധ കുത്തിവെപ്പ് എടുത്തു.
