മോഹന്ലാലിനെ നായകനാക്കി ഷാജി കൈലാസ് സംവിധാനം ചെയ്യുന്ന ‘എലോൺ’ സിനിമയുടെ ടീസർ പുറത്ത്.പേര് സൂചിപ്പിക്കുംപോലെ കഥാപാത്രമായി മോഹന്ലാല് മാത്രം സ്ക്രീനില് പ്രത്യക്ഷപ്പെടുന്ന ടീസറില് ശബ്ദ സാന്നിധ്യങ്ങളായി പൃഥ്വിരാജും സിദ്ദിഖുമൊക്കെ എത്തുന്നുണ്ട്. ആരാണെന്ന ചോദ്യത്തിന് യുണൈറ്റഡ് നേഷന്സില് നിന്നുള്ള ഉദ്യോഗസ്ഥനാണെന്നാണ് മോഹന്ലാലിന്റെ കഥാപാത്രം മറുപടി പറയുന്നത്. ‘യഥാർഥ നായകന്മാർ എല്ലായിപ്പോഴും തനിച്ചാണ്’ എന്ന മോഹൻലാലിന്റെ ഡയലോഗ് ഉൾപ്പെടുത്തിയാണ് ടീസർ റിലീസ് ചെയ്തത്.പന്ത്രണ്ട് വര്ഷങ്ങളുടെ ഇടവേളയ്ക്ക് ശേഷം മോഹന്ലാലും ഷാജി കൈലാസും ഒന്നിക്കുന്ന ചിത്രമാണിത്. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമിക്കുന്ന ചിത്രത്തിന് രാജേഷ് ജയറാം തിരക്കഥ എഴുതുന്നു. അഭിനന്ദൻ രാമാനുജം ഛായാഗ്രഹണം. എഡിറ്റിങ് ഡോൺമാക്സ്. സംഗീതം ജേക്സ് ബിജോയ്.
