സുരേഷ് ഗോപിക്കെതിരെ വിമര്ശനവുമായി സി.പി.എം. സംസ്ഥാന സെക്രട്ടറി എം.വി. ഗോവിന്ദന്.ചാരിറ്റിയെ രാഷ്ട്രീയമായി കണക്കുകൂട്ടേണ്ടെന്നും അത് രാഷ്ട്രീയമാക്കി മാറ്റുന്ന ബിജെപിയുടെ നീക്കം കേരളത്തിലെ വോട്ടർമാർക്ക് മനസ്സിലാകുമെന്നും അദ്ദേഹം പറഞ്ഞു.തൃശ്ശൂരില് നിരവധി ചാരിറ്റി പ്രവര്ത്തനങ്ങളുമായി സുരേഷ് ഗോപി മുന്നോട്ടുപോകുന്നതില് ആശങ്കയുണ്ടോ എന്ന മാധ്യമപ്രവര്ത്തകന്റെ ചോദ്യത്തിന് മറുപടി പറയുകയായിരുന്നു അദ്ദേഹം.തൃശ്ശൂരില് ബി.ജെ.പി.യുടെ വോട്ടുശതമാനം ഗണ്യമായി കുറയുകയാണ്. സാമൂഹിക പ്രവര്ത്തനം എന്നത് സന്നദ്ധപ്രവര്ത്തനമാണ്. അത് രാഷ്ട്രീയപ്രവര്ത്തനത്തിന്റെ ഭാഗമല്ല. ചാരിറ്റിയെ രാഷ്ട്രീയമാക്കാന് ശ്രമിച്ചാല് അതുപിന്നെ ചാരിറ്റിയല്ല രാഷ്ട്രീയമാണ്. അതിനെ രാഷ്ട്രീയപ്രവര്ത്തനം എന്നേ പറയാന് പറ്റൂവെന്ന് എംവി ഗോവിന്ദൻ പറഞ്ഞു.ബി.ജെ.പി. വിരുദ്ധ വോട്ടുകള് ഒന്നിപ്പിക്കാനാണ് സി.പി.എം. ശ്രമം. അതിന് ഓരോ സംസ്ഥാനവും ഓരോ യൂണിറ്റായെടുത്ത് അവിടത്തെ ബി.ജെ.പി. വിരുദ്ധ വോട്ടുകള് കേന്ദ്രീകരിച്ച് ആര്ക്ക് ജയിക്കാനാകുമോ അവരെ വിജയിപ്പിക്കാന് സി.പി.എം. ശ്രമിക്കുമെന്നും എം.വി. ഗോവിന്ദന് പറഞ്ഞു.തൃശ്ശൂരില് 365 ദിവസം ക്യാമ്പ് ചെയ്ത് പ്രവര്ത്തിച്ചാലും സുരേഷ് ഗോപി ജയിക്കില്ലെന്നും എം.വി. ഗോവിന്ദന് പറഞ്ഞു
