ഡി വൈ എഫ് ഐ കോഴിക്കോട് ജില്ലാ സമ്മേളനത്തിന്റെ ഭാഗമായി കുന്ദമംഗലം ബ്ലോക്ക് കമ്മിറ്റി സംഘടിപ്പിക്കുന്ന ജില്ലാതല ഫ്ലഡ് ലൈറ്റ് സെവൻസ് ഫുട്ബോൾ ടൂർണമെൻറ് കുന്ദമംഗലം ഹൈസ്കൂൾ ഗ്രൗണ്ടിൽ ആരംഭിച്ചു. ഡി വൈ എഫ് ഐ സംസ്ഥാന ജോ സെക്രട്ടറി വി വസീഫ് ഉദ്ഘാടനം ചെയ്തു. പി.ഷൈപു CPIM കുന്ദമംഗലം ഏരിയാ സെക്രട്ടറി, ജില്ലാ വൈസ് പ്രസിഡണ്ട് അബിജേഷ്.കെ, ബ്ലോക്ക് സെക്രട്ടറി പ്രഗിൻലാൽ, പ്രസിഡന്റ് പി.പി.ഷിനിൽ, ട്രഷറർ മിദ്ലാജ് എന്നിവർ സംസാരിച്ചു. കുന്ദമംഗലം ഗ്രാമപഞ്ചായത്ത് പ്രസിഡന്റ് ലിജി പുൽകുന്നുമ്മൽ, വൈസ് പ്രസിഡണ്ട് വി അനിൽകുമാർ, ഇ.വിനോദ് കുമാർ, എം എം സുധീഷ് കുമാർ തുടങ്ങിയ നിരവധി പേർ ടൂർണ്ണമെന്റിൽ പങ്കെടുത്തു. ഇന്ന് വൈകിട്ട് 6 മണി മുതൽ രണ്ടാംഘട്ട മത്സരങ്ങൾ ആരംഭിക്കും. വിജയികൾക്ക് ജില്ലാ പ്രസിഡന്റ് എൽ ജി ലിജീഷ് ഉപഹാരങ്ങൾ നൽകും. വിന്നേർസിന് 25000 രൂപയും ട്രോഫിയും റണ്ണേഴ്സിന് 15000 രൂപയും ട്രോഫിയും നൽകും.
