അറിയിപ്പ്

ആട് വളര്‍ത്തല്‍ പരിശീലനം

കണ്ണൂര്‍ മൃഗസംരക്ഷണ പരിശീലന കേന്ദ്രത്തില്‍ ജൂലൈ 13, 14 തീയതികളില്‍ ആട് വളര്‍ത്തലില്‍ രണ്ട് ദിവസത്തെ പരിശീലനം നല്‍കുന്നു. പങ്കെടുക്കാന്‍ ആഗ്രഹിക്കുന്നവര്‍ക്ക് 12-നകം 04972- 763473 എന്ന ഫോണ്‍ നമ്പറില്‍ പേര് രജിസ്റ്റര്‍ ചെയ്യാം.

ഇ ടെന്‍ഡര്‍

കോഴിക്കോട് ഗവ. എന്‍ജിനീയറിങ് കോളേജിലെ അപ്ലൈഡ് ഇലക്ട്രോണിക്സ് ആന്‍ഡ് ഇന്‍സ്ട്രമെന്റേഷന്‍ എന്‍ജിനീയറിങ് വിഭാഗത്തിലെ കമ്മ്യൂണിക്കേഷന്‍ ലാബിലേക്ക് വെക്റ്റര്‍ നെറ്റ്വര്‍ക്ക് അനലൈസര്‍ വാങ്ങുന്നതിന് ഇ ടെന്‍ഡര്‍ ക്ഷണിച്ചു. അവസാന തീയതി ജൂലൈ 13 ഉച്ചകഴിഞ്ഞ് മൂന്ന് മണി. ഫോണ്‍: 0495 2383220.

അസാപില്‍ ജനറല്‍ ഡ്യൂട്ടി അസിസ്റ്റന്റ് കോഴ്സ്

ഹെല്‍ത്ത് കെയര്‍ മേഖലയില്‍ ജോലി ലഭിക്കുവാന്‍ പ്രാപ്തരാക്കുന്ന ജനറല്‍ ഡ്യൂട്ടി അസിസ്റ്റന്റ് കോഴ്സ് അസാപ് കേരള സംഘടിപ്പിക്കുന്നു. സ്വദേശത്തും വിദേശത്തുമായി നിരവധി അവസരങ്ങളാണ് കോഴ്സ് പൂര്‍ത്തിയാക്കുന്നവരെ കാത്തിരിക്കുന്നത്. കൂടുതല്‍ വിവരങ്ങള്‍ക്ക്: 9495999704, 9495999783

വാക്-ഇന്‍ -ഇന്റര്‍വ്യൂ

സി-ഡിറ്റിന്റെ ഒപ്റ്റിക്കല്‍ ഇമേജ് പ്രോസസ്സിംഗ് ആന്‍ഡ് സെക്യൂരിറ്റി പ്രോഡക്ടസ് ഡിവിഷനിലേക്ക് കാഷ്വല്‍ ലേബര്‍ നിയമനത്തിന് വാക്ക് ഇന്‍ ഇന്റര്‍വ്യൂ നടത്തുന്നു. ജൂലൈ ആറിന് രാവിലെ 10 മണിക്ക് സി-ഡിറ്റ് മെയിന്‍ ക്യാമ്പസ്, തിരുവല്ലം, തിരുവനന്തപുരം ഓഫീസിലാണ് അഭിമുഖം. രജിസ്റ്റര്‍ ചെയ്തിട്ടുള്ള ഉദ്യാഗാര്‍ഥികള്‍ അസ്സല്‍ സര്‍ട്ടിഫിക്കറ്റുകളുമായി ഹാജരാകണം.

മേട്രണ്‍ കം റസിഡന്റ് ട്യൂട്ടര്‍; വാക്ക് ഇന്‍ ഇന്റര്‍വ്യൂ 11 ന്

പട്ടികജാതി വികസന വകുപ്പിന് കീഴിലെ പ്രീമെട്രിക് ഹോസ്റ്റലുകളിലേക്ക് രാത്രികാല പഠന മേല്‍നോട്ട ചുമതലകള്‍ക്കായി മേട്രണ്‍ കം റസിഡന്റ് ട്യൂട്ടര്‍മാരെ കരാര്‍ അടിസ്ഥാനത്തില്‍ നിയമിക്കുന്നു. അപേക്ഷകര്‍ അംഗീകൃത സര്‍വകലാശാലയില്‍ നിന്നും ബിരുദവും, ബി.എഡും ഉള്ളവരായിരിക്കണം. താത്പര്യമുള്ളവര്‍ക്ക് സര്‍ട്ടിഫിക്കറ്റുകള്‍ സഹിതം ജൂലൈ 11ന് രാവിലെ 10.30 ന് സിവില്‍ സ്റ്റേഷനിലെ ജില്ലാ പട്ടികജാതി വികസന ഓഫീസില്‍ കൂടിക്കാഴ്ചയില്‍ പങ്കെടുക്കാം. ഫോണ്‍: 0495- 2370379.

കൊല്‍ട്രോണില്‍ സിവില്‍ ആര്‍ക്കിടെക്ചര്‍ ഡിപ്ലോമ കോഴ്‌സ്

കെല്‍ട്രോണിന്റെ കോഴിക്കോട് നോളജ് സെന്ററിലൂടെ ഒരു വര്‍ഷത്തെ പ്രൊഫഷണല്‍ ഡിപ്ലോമ ഇന്‍ സിവില്‍ ആര്‍ക്കിടെക്ചര്‍ ഡ്രാഫ്റ്റിംഗ് ആന്‍ഡ് ലാന്‍ഡ് സര്‍വ്വേ കോഴ്സിലേക്ക് ഇപ്പോള്‍ അപേക്ഷിക്കാം. അടിസ്ഥാന യോഗ്യത എസ്. എസ്.എല്‍.സി. വിവരങ്ങള്‍ക്ക്- 8136802304

റീ ക്വട്ടേഷന്‍

സിവില്‍ സ്റ്റേഷനിലെ അസി. ഡവലപ്മെന്റ് കമ്മീഷണര്‍ (ജനറല്‍) കാര്യാലയത്തിന്റെ ഔദ്യോഗിക ആവശ്യത്തിലേക്ക് 2022-23 സാമ്പത്തിക വര്‍ഷത്തില്‍ എ.സി കാര്‍/ എ.സി ജീപ്പ് (ഡ്രൈവര്‍ ഉള്‍പ്പെടെ) പ്രതിമാസ വാടകയ്ക്ക് നല്‍കുവാന്‍ താത്പര്യമുള്ള വാഹന ഉടമകളില്‍നിന്നും ക്വട്ടേഷന്‍ ക്ഷണിച്ചു. അവസാന തീയതി ജൂലൈ 11 ഉച്ചക്ക് ഒരു മണി വരെ. ഫോണ്‍: 0495- 2371055.

തീരമൈത്രി പദ്ധതി: ചെറുകിട സൂക്ഷ്മ തൊഴില്‍ സംരംഭ യൂണിറ്റുകള്‍ ആരംഭിക്കാന്‍ അപേക്ഷ ക്ഷണിച്ചു

ഫിഷറീസ് വകുപ്പിന് കീഴിലെ സൊസൈറ്റി ഫോര്‍ അസ്സിസ്റ്റന്‍സ് ടു ഫിഷര്‍ വുമണ്‍ – സാഫ് നടപ്പാക്കുന്ന തീരമൈത്രി പദ്ധതി പ്രകാരം ചെറുകിട – സൂക്ഷ്മ തൊഴില്‍ സംരംഭ യൂണിറ്റുകള്‍ ആരംഭിക്കാന്‍ ജില്ലയിലെ അംഗീകൃത മത്സ്യത്തൊഴിലാളി – അനുബന്ധ മത്സ്യത്തൊഴിലാളി കുടുംബത്തിലെ വനിതകളില്‍നിന്നും അപേക്ഷ ക്ഷണിച്ചു. പ്രായം 20നും 40നും മധ്യേ ആയിരിക്കണം.

മത്സ്യത്തൊഴിലാളി കുടുംബ രജിസ്റ്ററില്‍ അം?ഗത്വം നേടിയ രണ്ട് മുതല്‍ അഞ്ച് വരെ അംഗങ്ങളടങ്ങിയ ഗ്രൂപ്പായാണ് അപേക്ഷ നല്‍കേണ്ടത്. പദ്ധതി തുകയുടെ 75 ശതമാനം ഗ്രാന്റും 20 ശതമാനം ബാങ്ക് വായ്പയും അഞ്ച് ശതമാനം ഗുണഭോക്തൃ വിഹിതവും ആയിരിക്കും. ഒരംഗത്തിന് ഒരുലക്ഷം രൂപ വരെ ഗ്രാന്റ് ലഭിക്കും.

ഡെയ്ഫിഷ്, ഹോട്ടല്‍ ആന്‍ഡ് കാറ്ററിംഗ്, ഫിഷ് ബൂത്ത്, ഫ്ളോര്‍മില്‍, ടൂറിസം, ഫാഷന്‍ ഡിസൈന്‍ / ബോട്ടിക്, ഐടി കിയോസ്‌ക്, പ്രൊവിഷന്‍ സ്റ്റോര്‍, ട്യൂഷന്‍ സെന്റര്‍, ഹൗസ് കീപ്പിങ്, ബ്യൂട്ടി പാര്‍ലര്‍, ബേക്കറി, കാറ്ററിങ് ആന്‍ഡ് ഇവന്റ് മാനേജ്‌മെന്റ്, അനിമല്‍ സെല്ലിങ്, ഗാര്‍ഡന്‍ സെറ്റിങ്, ലാബ് ആന്‍ഡ് മെഡിക്കല്‍സ്, ടൂറിസം, ഐടി അനുബന്ധ ഔട്ട്സോഴ്സ്, ട്യൂഷന്‍ സെന്റര്‍, കമ്പ്യൂട്ടര്‍ സെന്റര്‍, ഡി.ടി.പി, ക്ലീനിങ്/ വാഷിംഗ് തുടങ്ങിയ യൂണിറ്റുകള്‍ പദ്ധതി വഴി ആരംഭിക്കാം. അപേക്ഷകള്‍ ജൂലായ് 10നകം ലഭിക്കണം. വിവരങ്ങള്‍ക്ക് 9745100221, 9526039115, 7034314341.

ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പില്‍ പെയ്ഡ് അപ്പ്രന്റീസ്ഷിപ്പിന് അപേക്ഷിക്കാം

ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പില്‍ വാര്‍ത്താ വിഭാഗം, ഇലക്ട്രോണിക് മാധ്യമം, പ്രസിദ്ധീകരണം, പരസ്യം, ഫീല്‍ഡ് പബ്ലിസിറ്റി തുടങ്ങിയ പബ്ലിക് റിലേഷന്‍സിന്റെ വ്യത്യസ്ത മേഖലകളില്‍ ആറു മാസത്തെ പെയ്ഡ് അപ്പ്രന്റീസ്ഷിപ്പിന് അവസരം. ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിന്റെ ജില്ലാ ഓഫീസുകളിലും ന്യൂ ഡല്‍ഹി ഓഫീസിലും ഡയറക്ടറേറ്റിലെ വിവിധ വിഭാഗങ്ങളിലുമായാണ് അപ്പ്രന്റീസ്ഷിപ്.

ഇതില്‍ ഡയറക്ടേറേറ്റിലെ അഞ്ച് ഒഴിവുകളിലേക്ക് ഇപ്പോള്‍ അപേക്ഷിക്കാം. ജേര്‍ണലിസം, പബ്ലിക് റിലേഷന്‍സ് എന്നിവയിലേതെങ്കിലും പ്രധാന വിഷയമായെടുത്ത് അംഗീകൃത സര്‍വകാലശാലയില്‍ നിന്ന് ബിരുദം, ബിരുദാനന്തര ബിരുദം അല്ലെങ്കില്‍ ഏതെങ്കിലും വിഷയത്തില്‍ ബിരുദവും അംഗീകൃത സ്ഥാപനങ്ങളില്‍ നിന്നും ജേര്‍ണലിസം, പബ്ലിക് റിലേഷന്‍സ് എന്നീ വിഷയങ്ങളിലേതിലെങ്കിലും പി ജി ഡിപ്ലോമയോ നേടിയവര്‍ക്ക് അപേക്ഷിക്കാം.

യോഗ്യതാ സര്‍ട്ടിഫിക്കറ്റിന്റെ പകര്‍പ്പ്, ബയോഡാറ്റ എന്നിവ സഹിതം ഡയറക്ടര്‍, ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ്, സൗത്ത് ബ്ലോക്ക്, ഗവ. സെക്രട്ടേറിയറ്റ്, തിരുവനന്തപുരം- 695001 എന്ന വിലാസത്തിലോ prdapprenticeship2021@gmail.com എന്ന ഇ-മെയില്‍ വിലാസത്തിലോ അപേക്ഷിക്കണം. 2022 ജൂലൈ 8 ന് വൈകുന്നേരം അഞ്ച് മണി വരെ ലഭിക്കുന്ന അപേക്ഷകള്‍ മാത്രമേ സ്വീകരിക്കൂ. ഡയറക്ട്രേറ്റില്‍ തപാലില്‍ അയയ്ക്കുമ്പോള്‍ കവറിന്റെ പുറത്ത് അപ്പ്രന്റീസ്ഷിപ് 2022 എന്ന് എഴുതിയിരിക്കണം. യോഗ്യതയുടെയും അഭിമുഖത്തിന്റെയും അടിസ്ഥാനത്തിലായിരിക്കും തെരഞ്ഞെടുപ്പ്. തെരഞ്ഞെടുക്കപ്പെടുന്നവര്‍ അക്കാര്യം അറിയിച്ചു കൊണ്ടുള്ള അറിയിപ്പില്‍ പറയുന്ന തിയതിയിലും സമയത്തും അപ്പ്രന്റീസായി ചേരാന്‍ തയ്യാറായി എത്തണം. ജോലി കിട്ടിയോ മറ്റ് കാരണത്താലോ അപ്പ്രന്റീസ്ഷിപ് ഇടയ്ക്ക് വെച്ച് മതിയാക്കുന്നവര്‍ 15 ദിവസത്തെ നോട്ടീസ് നല്‍കണം. ഏതെങ്കിലും ഘട്ടത്തില്‍ പ്രവര്‍ത്തനം തൃപ്തികരമല്ലെന്ന് കാണുകയോ അപ്പ്രന്റീസായി തുടരാന്‍ അനുവദിക്കാത്ത മറ്റെന്തെങ്കിലും കാരണം ഉണ്ടാകുകയോ ചെയ്താല്‍ അവരെ മുന്നറിയിപ്പില്ലാതെ അപ്പ്രന്റീസ്ഷിപ്പില്‍ നിന്നും ഒഴിവാക്കും.

തെരഞ്ഞെടുപ്പിലും മറ്റ് കാര്യങ്ങളിലും അന്തിമ തീരുമാനം വകുപ്പ് ഡയറക്ട്രേറ്റില്‍ നിക്ഷിപ്തമായിരിക്കും. കൂടൂതല്‍ വിവരങ്ങള്‍ക്ക്: 9496003235, 0471 2518471.

പ്രൊപ്പോസല്‍ ക്ഷണിച്ചു

പട്ടികവര്‍ഗ വികസന വകുപ്പിന് കീഴിലുള്ള മണ്ണന്തല പ്രീമെട്രിക് ഹോസ്റ്റലില്‍ മാലിന്യ സംസ്‌കരണ പ്ലാന്റ് സ്ഥാപിക്കുന്നതിന് മൂന്ന് വര്‍ഷത്തെ പ്രവൃത്തിപരിചയമുള്ള ഗവ. അക്രഡിറ്റഡ് സ്ഥാപനങ്ങളില്‍ നിന്ന് പ്രൊപ്പോസല്‍ ക്ഷണിച്ചു. പ്രൊപ്പോസലുകള്‍ സ്വീകരിക്കുന്ന അവസാന തീയതി ജൂലൈ 16 പ്രീബിഡ് മീറ്റിങ് ജൂലൈ എട്ടിനു പട്ടികവര്‍ഗ വികസന വകുപ്പ് ഡയറക്ടറേറ്റില്‍ നടക്കും. കൂടുതല്‍ വിവരങ്ങള്‍ക്ക് വികാസ്ഭവനില്‍ പ്രവര്‍ത്തിക്കുന്ന പട്ടികവര്‍ഗ വികസന വകുപ്പ് ഡയറക്ടറുടെ ഓഫീസുമായി ബന്ധപ്പെടണം. ഫോണ്‍: 0471 2303229, 2304594.

വെബിനാര്‍ ഇന്ന് (ജൂലൈ 5)

കേരള ചരിത്ര ഗവേഷണ കൗണ്‍സില്‍ ഇന്ന് (5 ജൂലൈ) വൈകിട്ട് മൂന്നിന് ‘പ്രാദേശിക ചരിത്രരചന : അനുഭവപാഠങ്ങള്‍’ എന്ന വിഷയത്തില്‍ വെബിനാര്‍ സംഘടിപ്പിക്കും. കേരള സര്‍വകലാശാല ബയോഇന്‍ഫോമാറ്റിക്‌സ് വിഭാഗം പ്രൊഫസര്‍ അച്യുത്ശങ്കര്‍ എസ്. നായര്‍ പ്രഭാഷണം നടത്തും. തിരുവനന്തപുരം നഗരത്തിലെ വഞ്ചിയൂര്‍ വാര്‍ഡിന്റെ പ്രാദേശിക ചരിത്രം രേഖപ്പെടുത്തിയ അനുഭവ സമ്പത്ത് പങ്കിടുന്നതൊടൊപ്പം മൂന്നു തലമുറകള്‍ ചേര്‍ന്നു രചിച്ച ‘Vanchiyoor Vignettes’ എന്ന പുസ്തകത്തിന്റെ തയാറാക്കലില്‍ നേരിട്ട വെല്ലുവിളികളും അതിനോടുള്ള പ്രതികരണവും പ്രഭാഷണം ചര്‍ച്ച ചെയ്യും.

കെ.സി.എച്ച്.ആര്‍ വെബ്‌സൈറ്റിലെ ഗുഗിള്‍ ലിങ്കിലൂടെ (https://us06web.zoom.us/j/5688952764?pwd=MDEzdUh4SUkyS29hSFJUd29BU3VRdz09) വെബിനാറിന്‍ പങ്കെടുക്കാം. Zoom Meeting ID : 568 895 2764 Passcode : KCHR.

ഉന്നത വിദ്യാഭ്യാസ കൗണ്‍സില്‍ ആസ്ഥാന ശിലാസ്ഥാപനം ജൂലൈ 5ന് തുടക്കം

ഉന്നതവിദ്യാഭ്യാസ ശാക്തീകരണ പദ്ധതികളുടെ സംസ്ഥാനതല ഉദ്ഘാടനവും ഉന്നതവിദ്യാഭ്യാസ കൗണ്‍സിലിന്റെ ആസ്ഥാനമന്ദിരം ഉന്നതവിദ്യാഭവന്റെ ശിലാസ്ഥാപനവും മുഖ്യമന്ത്രി പിണറായി വിജയന്‍ നിര്‍വഹിക്കും. നാളെ (ജൂലൈ 5) വൈകിട്ട് അഞ്ചിന് തിരുവനന്തപുരം ശാസ്ത്രസാങ്കേതിക മ്യൂസിയം ക്യാംപസിലാണ് പരിപാടി. ഉന്നതവിദ്യാഭ്യാസ – സാമൂഹ്യനീതി മന്ത്രി ഡോ. ആര്‍.ബിന്ദു അധ്യക്ഷത വഹിക്കും.

ഇ-ജേര്‍ണല്‍ കണ്‍സോര്‍ഷ്യം, ബ്രെയിന്‍ ഗെയിന്‍ പദ്ധതി എന്നിവയുടെ ഉദ്ഘാടനവും അക്രഡിറ്റഡ് കോളേജുകള്‍ക്കുള്ള സ്റ്റേറ്റ് അസസ്മെന്റ് ആന്‍ഡ് അക്രഡിറ്റേഷന്‍ സെന്റര്‍ (SAAC) സര്‍ട്ടിഫിക്കറ്റുകളുടെ വിതരണവും മുഖ്യമന്ത്രി ചടങ്ങില്‍ നിര്‍വഹിക്കുക.

ശാസ്ത്രസാങ്കേതിക മ്യൂസിയം ക്യാമ്പസില്‍ നിലവിലുള്ള കെട്ടിടത്തോട് ചേര്‍ന്നാണ് ഉന്നതവിദ്യാഭവന്‍ നിര്‍മിക്കുന്നത്. ഇന്ത്യന്‍ ഗ്രീന്‍ ബില്‍ഡിംഗ് റേറ്റിംഗ് സിസ്റ്റം (IGBC) മാനദണ്ഡങ്ങളനുസരിച്ചുള്ള ഗ്രീന്‍ പ്രോട്ടോകോള്‍ പാലിച്ചാണ് കെട്ടിടം നിര്‍മ്മിക്കുന്നത്.

ചടങ്ങില്‍ വി കെ പ്രശാന്ത് എംഎല്‍എ, മേയര്‍ ആര്യ രാജേന്ദ്രന്‍, അഡീഷണല്‍ ചീഫ് സെക്രട്ടറി ഡോ. വി. വേണു, ഉന്നതവിദ്യാഭ്യാസ പ്രിന്‍സിപ്പല്‍ സെക്രട്ടറി ഇഷിത റോയ്, ഉന്നതവിദ്യാഭ്യാസ കൗണ്‍സില്‍ വൈസ് ചെയര്‍മാന്‍ പ്രൊഫ. രാജന്‍ ഗുരുക്കള്‍ തുടങ്ങിയവര്‍ പങ്കെടുക്കും.

ഉന്നതവിദ്യാഭ്യാസ ശാക്തീകരണ പദ്ധതികള്‍: വിശദാംശങ്ങള്‍;

ഇ-ജേര്‍ണല്‍ കണ്‍സോര്‍ഷ്യം (20 കോടി രൂപ)
സര്‍വകലാശാലകള്‍ക്ക് യു.ജി.സി സൗജന്യമായി നല്‍കിവന്നിരുന്ന ഈ-ജേര്‍ണല്‍ പദ്ധതി (UGC INFLIBNET) നിര്‍ത്തലാക്കിയ സാഹചര്യത്തില്‍, സംസ്ഥാനത്തെ എല്ലാ സര്‍വകലാശാലകള്‍ക്കും/ഉന്നത വിദ്യാഭ്യാസ സ്ഥാപനങ്ങള്‍ക്കും ഗവേഷണ പ്രവര്‍ത്തനത്തിനും മറ്റും അനിവാര്യമായ ഇ-ജേണല്‍ വിഭവങ്ങള്‍ ലഭ്യമാക്കാനാണ് സംസ്ഥാനതല ഇ-ജേണല്‍ കണ്‍സോര്‍ഷ്യം (State Level E-Journal Conosrtium). പ്രമുഖ പ്രസാധകരായ എല്‍സെവിയര്‍, Knimbus എന്നിവരുമായി കരാര്‍ ഉണ്ടാക്കാനുള്ള നടപടികള്‍ ആരംഭിച്ചു. എല്‍സെവിയര്‍ ഗ്രൂപ്പിന്റെ പ്രസിദ്ധീകരണങ്ങളായ സയന്‍സ് ഡയറക്ടും സ്‌കോപ്പസും ഇതില്‍ ഉള്‍പ്പെടും.

ബ്രെയിന്‍ ഗെയിന്‍ (5 കോടി)
കേരളത്തിനു പുറത്ത് വിവിധ മേഖലകളില്‍ പ്രവര്‍ത്തിക്കുന്ന മലയാളികളായ പ്രഗത്ഭ വ്യക്തികളുടെ വിജ്ഞാന സമ്പത്ത് സംസ്ഥാനത്തിന്റെ ഉന്നതവിദ്യാഭ്യാസരംഗത്ത് പ്രയോജനപ്പെടുത്തുകയെന്ന ലക്ഷ്യത്തോടെ സംസ്ഥാന ഉന്നതവിദ്യാഭ്യാസ കൗണ്‍സില്‍ ഇതു സംബന്ധിച്ച വിവരശേഖരണം നടത്തിക്കഴിഞ്ഞു. Building Up Database of the Keralite – Academic Diaspora around the Globe എന്ന പേരിലാണ് ഈ പദ്ധതി നടപ്പിലാക്കിവരുന്നത്. സംസ്ഥാനത്തെ ഉന്നതവിദ്യാഭ്യാസ സ്ഥാപനങ്ങളുടെ അക്കാദമിക, ഗവേഷണ പ്രവര്‍ത്തനങ്ങളുടെ ഗുണനിലവാരം വര്‍ദ്ധിപ്പിക്കുന്നതിന് ഇത് ഏറെ സഹായകമാകും. ആദ്യ ഘട്ടത്തില്‍ എം.ജി, KVASU, തോന്നക്കലിലെ വൈറോളജി ഇന്‍സ്റ്റിറ്റ്യൂട്ട് എന്നീ സ്ഥാപനങ്ങളാണ് ഈ പദ്ധതിയില ഭാഗഭാക്കാവുക. ഈ പദ്ധതികളുടെ ഭാഗമായി എത്തുന്ന വിദഗ്ദ്ധരുടെ മുഴുവന്‍ ചെലവും കൗണ്‍സില്‍ വഹിക്കും.

സ്റ്റേറ്റ് അസസ്മെന്റ് ആന്റ് അക്രഡിറ്റേഷന്‍ സെന്റര്‍ (SAAC) (1 കോടി)
സംസ്ഥാനത്തെ സര്‍വകലാശാലകളെയും കോളജുകളെയും ഔപചാരികമായി വിലയിരുത്തുക എന്ന ലക്ഷ്യത്തോടെ ഉന്നത വിദ്യാഭ്യാസ കൗണ്‍സിലിന് കീഴില്‍ ആരംഭിച്ചതാണ് അസ്സസ്മെന്റ് ആന്‍ഡ് അക്രഡിറ്റേഷന്‍ സെന്റര്‍. സംസ്ഥാനത്തെ മുഴുവന്‍ സര്‍വകലാശാലകളും സര്‍ക്കാര്‍ – എയ്ഡഡ് കോളേജുകളും സ്വയംഭരണ കോളേജുകളും സ്വാശ്രയ കോളേജുകളും SAAC അവലോകനപരിധിയില്‍ വരും.

NAACÂ വിഭാവനം ചെയ്തിട്ടുളളവക്കു പുറമെ Social Inclusiveness, Equity and Excellence, Scientific Temper and Secular Outlook എന്നീ സംസ്ഥാനാധിഷ്ഠിത മാനദണ്ഡങ്ങള്‍ കൂടി SAAC വിലയിരുത്തലിന് മാനകങ്ങളായി സ്വീകരിച്ചിട്ടുണ്ട്.

ഡിജികോള്‍ (DIGICOL) (20 കോടി)
കേരളത്തിലെ എല്ലാ ഉന്നതവിദ്യാഭ്യാസ സ്ഥാപനങ്ങളിലും ഡിജിറ്റല്‍ വിദ്യാഭ്യാസത്തിന് സൗകര്യമൊരുക്കാന്‍ ഉദ്ദേശിച്ചുകൊണ്ട് ഉന്നതവിദ്യാഭ്യാസ കൗണ്‍സിലും ഡിജിറ്റല്‍ സര്‍വകലാശാലയും സംയുക്തമായി ആവിഷ്‌ക്കരിച്ച് നടപ്പിലാക്കുന്ന പദ്ധതിയാണിത്. സംസ്ഥാനത്തെ എല്ലാ ഉന്നതവിദ്യാഭ്യാസ സ്ഥാപനങ്ങളിലെയും അദ്ധ്യയനം, പഠനം, വിലയിരുത്തല്‍, പരീക്ഷ ഇവയെല്ലാം പൊതുവായ മൂഡില്‍ (Moodle) ലേണിംഗ് മാനേജ്മെന്റ് സിസ്റ്റത്തില്‍ കൊണ്ടുവരികയാണ് ഡിജിറ്റല്‍ എനേബിള്‍മെന്റ് ഓഫ് ഹയര്‍ എഡ്യുക്കേഷന്‍ പദ്ധതിയിലൂടെ ലക്ഷ്യമിടുന്നത്.

LMS നടപ്പിലാക്കുന്നതിന്റെ ഭാഗമായി, സംസ്ഥാനതലത്തില്‍ ഓരോ വിദ്യാഭ്യാസസ്ഥാപന തലത്തിലും ആവശ്യമായ ഓണ്‍ലൈന്‍ പഠനസംവിധാനം ഒരുങ്ങും.

കേരള അക്കാദമിക് ലൈബ്രറി നെറ്റ് വര്‍ക്ക് (കാല്‍നെറ്റ്) (10 കോടി)
സംസ്ഥാന ഉന്നതവിദ്യാഭ്യാസ കൗണ്‍സിലിന്റെ നേതൃത്വത്തില്‍ സംസ്ഥാനത്തെ 11 സര്‍വകലാശാലാ ലൈബ്രറികളിലെ 15 ലക്ഷത്തോളം പുസ്തകങ്ങളും തീസിസുകളും കൂട്ടിയിണക്കിയ സംസ്ഥാനതല സംവിധാനമാണ് കേരള അക്കാദമിക് ലൈബ്രറി നെറ്റ് വര്‍ക്ക് (Kerala Academic Library Network – KALNET). വിദ്യാര്‍ഥികള്‍ക്കും ഗവേഷകര്‍ക്കും ഒരു പോലെ പ്രയോജനപ്പെടുന്നതാണിത്. സംസ്ഥാനത്തെ കോളജ്തല ലൈബ്രറികളേയും ഈ ശൃംഖലയില്‍ പങ്കാളികളാക്കാന്‍ നടപടികള്‍ സ്വീകരിച്ചിട്ടുണ്ട്. രണ്ടാംഘട്ടമായി സര്‍വകലാശാലാ ലൈബ്രറികളിലെ അപൂര്‍വ്വ ശേഖരണവും പുസ്തകങ്ങളും ഡിജിറ്റൈസ് ചെയ്യാനുള്ള പദ്ധതി ആരംഭിക്കും.

ചീഫ് മിനിസ്റ്റേഴ്സ് നവകേരള പോസ്റ്റ് ഡോക്ടറല്‍ ഫെലോഷിപ്പ് (15.05 കോടി)
മുഖ്യമന്ത്രിയുടെ നവകേരള പോസ്റ്റ് ഡോക്ടറല്‍ ഫെലോഷിപ്പ് പദ്ധതിയില്‍ ആദ്യഘട്ടത്തില്‍, പത്തോളം വിശാല വിജ്ഞാന മേഖലകളിലായി 77 ഫെലോഷിപ്പുകള്‍ വിതരണം ചെയ്തുകഴിഞ്ഞു. അഞ്ചുവര്‍ഷം കൊണ്ട് 500 ഫെലോഷിപ്പുകള്‍ വിതരണം ചെയ്യാനാണ് പദ്ധതി. ആദ്യവര്‍ഷം പ്രതിമാസം 50,000 രൂപയും രണ്ടാം വര്‍ഷം പ്രതിമാസം ഒരു ലക്ഷം രൂപയുമാണ് ഫെലോഷിപ്പ് തുക.

കേരള ഇന്‍സ്റ്റിറ്റിയൂഷണല്‍ റാങ്കിംഗ് ഫ്രെയിം വര്‍ക്ക് (KIRF) (1 കോടി)
NIRF മാതൃകയില്‍ സംസ്ഥാനത്തെ ഉന്നതവിദ്യാഭ്യാസ സ്ഥാപനങ്ങളെ വസ്തുനിഷ്ഠവും സുതാര്യവുമായ രീതിയില്‍, അക്കാദമിക മികവിന്റെ അടിസ്ഥാനത്തില്‍ റാങ്ക് ചെയ്യാനാണ് കേരള ഇന്‍സ്റ്റിറ്റിയൂഷണല്‍ റാങ്കിംഗ് ഫ്രെയിംവര്‍ക്ക് (Kerala Institutional Ranking Framework) – (KIRF). ഇത് ഉന്നതവിദ്യാഭ്യാസ മേഖലയില്‍ കടന്നുവരുന്ന വിദ്യാര്‍ഥികളെ ഗുണനിലവാരത്തിന്റെ അടിസ്ഥാനത്തില്‍ സ്ഥാപനങ്ങളെ തിരഞ്ഞെടുക്കുവാന്‍ സഹായിക്കും. മാത്രമല്ല നമ്മുടെ ഉന്നതവിദ്യാഭ്യാസ സ്ഥാപനങ്ങളെ ദേശീയവും അന്തര്‍ദേശീയവുമായ റാങ്കിംഗ് മെച്ചപ്പെടുത്തുന്നതിനും ഇത് സജ്ജരാക്കും.

അദ്ധ്യാപകപരിശീലന പദ്ധതി (8 കോടി)
ഉന്നതവിദ്യാഭ്യാസ മേഖലയില്‍ മികച്ച അധ്യാപകരെ വാര്‍ത്തെടുക്കുക എന്ന ലക്ഷ്യത്തോടെയാണ് ഉന്നതവിദ്യാഭ്യാസ കൗണ്‍സിലിനു കീഴില്‍ ഫാക്കല്‍റ്റി ഡെവലപ്മെന്റ് സെന്റര്‍ ആരംഭിച്ചത്. Humanities & Social Science, Science, Commerce, Technology and Management എന്നീ സ്ട്രീമുകളില്‍ അധ്യാപകര്‍ക്കായി പരിശീലനം സംഘടിപ്പിക്കുന്ന ഫാക്കല്‍റ്റി ഡെവലപ്മെന്റ് സെന്ററിന്റെ ഉദ്ദേശലക്ഷ്യങ്ങള്‍ താഴെ പറയുന്നവയാണ്:

• മേന്‍മ, ഗവേഷണപരത, ബോധന വൈദഗ്ദ്ധ്യം എന്നിവയില്‍ ഊന്നിയുള്ള പരിശീലന പരിപാടികളിലൂടെ അദ്ധ്യാപകരുടെ പ്രാപ്തി വര്‍ധിപ്പിക്കുക.
  അക്കാദമിക മേന്‍മ, ഗവേഷണപരത, ബോധന വൈദഗ്ദ്ധ്യം എന്നിവയില്‍ ഊന്നിയുള്ള പരിശീലന പരിപാടികളിലൂടെ അദ്ധ്യാപകരുടെ പ്രാപ്തി വര്‍ദ്ധിപ്പിക്കുക.

പുതുതായി അദ്ധ്യാപകവൃത്തിയില്‍ എത്തുന്നവര്‍ക്ക് പ്രാരംഭഘട്ടത്തില്‍ തന്നെ പരിശീലനവും ദിശാബോധവും നല്‍കുക.
നൂതന ബോധന സങ്കേതങ്ങളുടേയും ഉപകരണങ്ങളുടേയും ഉപയോഗത്തില്‍ നൈപുണ്യം നേടാന്‍ അദ്ധ്യാപകരെ സഹായിക്കുക.
അന്താരാഷ്ട്ര സ്വഭാവമുള്ള പുതിയ വെല്ലുവിളികള്‍ ഏറ്റെടുക്കാന്‍ അദ്ധ്യാപകരെ പ്രാപ്തരാക്കുക തുടങ്ങിയവ.
2019-20 മുതല്‍ 3500 ല്‍പരം അദ്ധ്യാപകര്‍ക്ക് നാളിതുവരെ പരിശീലനം നല്‍കിക്കഴിഞ്ഞു.

ഓണ്‍ലൈന്‍ ഡിജിറ്റല്‍ ശേഖരം (1 കോടി)
സംസ്ഥാനത്തെ സര്‍വകലാശാലകളിലെ വിവിധ വിഷയങ്ങളിലുള്ള യു.ജി/പി.ജി പ്രോഗ്രാമുകളുടെ പഠനസാമഗ്രികള്‍ ഉന്നതവിദ്യാഭ്യാസ കൗണ്‍സിലിന്റെ വെബ്പോര്‍ട്ടലില്‍ ”ഓണ്‍ലൈന്‍ സ്റ്റഡി മെറ്റീരിയല്‍സ്” എന്ന ശീര്‍ഷകത്തില്‍ ലഭ്യമാക്കിയിട്ടുണ്ട്. സര്‍വകലാശാലകളിലെയും അഫിലിയേറ്റഡ് കോളേജുകളിലെയും അദ്ധ്യാപകര്‍ തയ്യാറാക്കുന്ന ഡിജിറ്റല്‍ പാഠഭാഗങ്ങള്‍ വിദ്യാര്‍ഥികള്‍ക്ക് ഇഷ്ടാനുസരണം തിരഞ്ഞെടുക്കാവുന്നതാണ്. നിരന്തരം അപ്ഡേറ്റ് ചെയ്യപ്പെടുന്നതായ ഈ സംഭരണിയില്‍ ഇതിനോടകം 130ല്‍പ്പരം അദ്ധ്യാപകര്‍ തയ്യാറാക്കിയ വിവിധ യു.ജി./പി.ജി പ്രോഗ്രാമുകളുടെ 2000 ലധികം pdf, word, audio, video, ppt, e-content ഉള്ളടക്കങ്ങള്‍ ലഭ്യമാണ്. ഇവയില്‍ ഒട്ടുമിക്ക e-content കളും You Tube ചാനലിലേക്കും കണക്ട് ചെയ്തിട്ടുണ്ട്.

എറുഡൈറ്റ് സ്‌കോളര്‍ ഇന്‍ റെസിഡന്‍സ് പ്രോഗ്രാം (5 കോടി)
സംസ്ഥാനത്തെ സര്‍വകലാശാലകളിലെയും കോളേജുകളിലെയും അക്കാദമിക് സമൂഹത്തിന് നൊബേല്‍ ജേതാക്കളടക്കമുള്ള അക്കാദമിക് വിദഗ്ധരുമായി ആശയവിനിമയം നടത്താനും അതിലൂടെ അക്കാദമിക് നെറ്റ് വര്‍ക്ക് വികസിപ്പിക്കാനും വേണ്ടിക്കുടി വിഭാവനം ചെയ്തതാണ് എറുഡൈറ്റ് സ്‌കോളര്‍ ഇന്‍ റസിഡന്‍സ് പദ്ധതി. ഇത്തരത്തില്‍ സംസ്ഥാനം സന്ദര്‍ശിച്ച എറുഡൈറ്റ് സ്‌കോളര്‍മാരുമായി ചേര്‍ന്ന് നിരവധി അക്കാദമിക പ്രൊജക്ടുകളും പ്രബന്ധങ്ങളും സംസ്ഥാനത്തെ സര്‍വകലാശാല/ കോളേജ് അദ്ധ്യാപകരും ഗവേഷകരും തയ്യാറാക്കിയിട്ടുണ്ട്. ഇതുകൂടാതെ നിരവധി അദ്ധ്യാപകര്‍ക്കും ഗവേഷകര്‍ക്കും വിദേശ സര്‍വകലാശാലകളും ഗവേഷണ സ്ഥാപനങ്ങളും സന്ദര്‍ശിക്കാനും/സഹകരിക്കാനും അവസരം ഇതുവഴി നല്‍കുന്നു.

കോളേജുകളുടെ ക്ലസ്റ്റര്‍ പദ്ധതി (10 കോടി) (കാസര്‍കോട്, കണ്ണൂര്‍, പാലക്കാട് എന്നിവിടങ്ങളില്‍ പുതിയ ക്ലസ്റ്റര്‍)
ഒരേ പ്രദേശത്ത് സ്ഥിതിചെയ്യുന്ന ഉന്നതവിദ്യാഭ്യാസ സ്ഥാപനങ്ങള്‍, പ്രത്യേകിച്ചും കോളേജുകള്‍, മാനുഷികവും ഭൗതികവുമായ വിഭവങ്ങള്‍ പരസ്പരം പങ്കുവയ്ക്കുകയും അതുവഴി ഈ വിഭവങ്ങള്‍ പരമാവധി പ്രയോജനപ്പെടുത്തുകയും ചെയ്ത്, ഉന്നതവിദ്യാഭ്യാസരംഗത്ത് മേന്‍മ കൈവരിക്കുകയെന്ന ഉദ്ദേശ്യത്തോടെയാണ് യുജിസി നിര്‍ദ്ദേശാനുസരണമുള്ള ക്ലസ്റ്റര്‍ ഓഫ് കോളേജസ് പദ്ധതി സംസ്ഥാനത്ത് നടപ്പിലാക്കിയത്. തിരുവനന്തപുരം, എര്‍ണാകുളം, കോഴിക്കോട് എന്നീ ക്ലസ്റ്ററുകള്‍ സര്‍ക്കാര്‍ സാമ്പത്തിക സഹായത്തോടെ ഇതിനകം .ആരംഭിച്ചു. പാലക്കാട്, കണ്ണൂര്‍, കാസര്‍ഗോഡ് ജില്ലകളില്‍ പദ്ധതി വ്യാപിപ്പിക്കാന്‍ സര്‍ക്കാര്‍ അനുവാദം നല്‍കിയിരിക്കുകയാണ്.

ഉന്നതവിദ്യാഭ്യാസ സര്‍വേ (20 ലക്ഷം)
ഉന്നതവിദ്യാഭ്യാസ മേഖലയുടെ സമഗ്രമായ വിവരശേഖരണം ലക്ഷ്യമിട്ട്, സംസ്ഥാനത്ത് ആദ്യമായി കേരള സംസ്ഥാന ഉന്നതവിദ്യാഭ്യാസ കൗണ്‍സിലിന്റെ ആഭിമുഖ്യത്തില്‍ ഓണ്‍ലൈന്‍ സര്‍വേ ആരംഭിച്ചു. ഓള്‍ ഇന്ത്യാ ഹയര്‍ എഡ്യൂക്കേഷന്‍ സര്‍വേയുടെ മാത്യകയില്‍, കേരളത്തിലെ ഉന്നതവിദ്യാഭ്യാസ സ്ഥാപനങ്ങളെ സംബന്ധിക്കുന്ന മുഴുവന്‍ വിവരങ്ങളും ശേഖരിക്കാനാണ് കൗണ്‍സിലിനെ സര്‍ക്കാര്‍ ചുമതലപ്പെടുത്തിയിരിക്കുന്നത്. കൂടാതെ State specific ആയ വിവരങ്ങളും സര്‍വ്വേ സമാഹരിക്കുന്നുണ്ട്. സംസ്ഥാനത്തെ മുഴുവന്‍ സര്‍ക്കാര്‍, എയ്ഡഡ്, സ്വയംഭരണ, സ്വാശ്രയ കോളേജുകളും സര്‍വകലാശാലകളും സര്‍വേയുടെ പരിധിയില്‍ വരും. കേരള സംസ്ഥാന ഉന്നതവിദ്യാഭ്യാസ കൗണ്‍സിലിന്റെ വെബ്സൈറ്റില്‍ ലഭ്യമാക്കിയിട്ടുളള സര്‍വേ പോര്‍ട്ടല്‍ വഴിയാണ് സ്ഥാപനങ്ങള്‍ വിവരങ്ങള്‍ നല്‍കേണ്ടത്. ഇതു സംബന്ധിച്ച ആദ്യ റിപ്പോര്‍ട്ട് പ്രസിദ്ധീകരിച്ചു. നയരൂപീകരണത്തിനും ആസൂത്രണത്തിനും ഇത് പ്രയോജനകരമാണ്.