കനത്ത മഴയിൽ കുന്ദമംഗലത്ത് നാശനഷ്ടം.പുതിയ ബസ് സ്റ്റാൻഡ് പരിസരത്തെ കടകളിൽ വെള്ളം കയറി.പഴയ സ്റ്റാൻ്റിലെ അഞ്ചോളം കടകളിലും,പുതിയ സ്റ്റാൻഡിലെ നിരവധി കടകളിലുമാണ് വെള്ളം കയറിയത്.ഡ്രൈനേജ് ബ്ലോക്ക് ആയതാണ് വെള്ളം കടകളിലേക്ക് കയറാൻ കാരണം.മൊബൈൽ ഷോപ്പ് , ബേക്കറി, കൂൾബാർ, ബുക്ക്സ്റ്റാൾ, ഫാൻസി, നീതി സ്റ്റോർ, എന്നിവിടങ്ങളിലാണ് മാലിന്യങ്ങൾ നിറഞ്ഞ വെള്ളം കയറിയത്.നിരവധി കടകൾക്കാണ് നാശനഷ്ടമുണ്ടായത് .വെള്ളം കയറിയ ഭാഗങ്ങളിൽ മോട്ടർ ഉപയോഗിച്ച് വറ്റിക്കാനുള്ള ശ്രമം തുടരുകയാണ്.ബസ് സ്റ്റാന്റിന് പിൻഭാഗത്ത് പുതുതായി ട്രൈനേജ് നിർമിക്കുകയും വിവിധ ഭാഗങ്ങളിൽ നിന്നും വരുന്ന വെള്ളം അതുവഴി വലിയ ഡ്രൈനേജിലേക്ക് കടത്തിവിടുകായും ചെയ്യുകയാണെങ്കിൽ ഇത്തരത്തിൽ കടകളിലേക്കും മറ്റും വെള്ളം കയറുന്നത് ഒരു പരിധിവരെ കുറയ്ക്കാനാകും.
