മമ്മൂട്ടി നായകനായി അമൽ നീരദ് സംവിധാനം ചെയ്ത ഭീഷമ പർവത്തിന് വൻ പ്രതികരണമാണ് തിയറ്ററുകളില് നിന്ന് ലഭിച്ചത്. മമ്മൂട്ടിയുടെ വൻ തിരിച്ചുവരവായിട്ടാണ് ചിത്രം കണക്കാക്കപ്പെടുന്നത്. ഇപ്പോഴിതാ ട്രേഡ് അനലിസ്റ്റുകള് ചിത്രം 50 കോടി ക്ലബിലെത്തിയതിന് നന്ദി പറഞ്ഞ് പോസ്റ്റർ പുറത്ത് വിട്ടിരിക്കുകയാണ്.
മമ്മൂട്ടിയും അമല് നീരദും ഒന്നിക്കുമ്പോള് വലിയ പ്രതീക്ഷളായിരുന്നു. ആ പ്രതീക്ഷകള് എല്ലാം ശരിവയ്ക്കുന്ന തരത്തിലായിരുന്നു ‘ഭീഷ്മ പര്വ’ത്തിന്റെ ബോക്സ് ഓഫീസിലെ പ്രകടനം. സമീപകാലത്ത് മമ്മൂട്ടി ചിത്രത്തിന് ലഭിച്ച ഏറ്റവും വലിയ സ്വീകാര്യതയുമാണ് ഇത്.
ഫര്ഹാന് ഫാസില്, ഷൈന് ടോം ചാക്കോ, ദിലീഷ് പോത്തന്, അബു സലിം, പദ്മരാജ് രതീഷ്, ഷെബിന് ബെന്സണ്, ലെന, സ്രിദ്ധ, ജിനു ജോസഫ്, വീണ നന്ദകുമാര്, ഹരീഷ് പേരടി, അനസൂയ ഭരദ്വാജ്, മാല പാര്വ്വതി തുടങ്ങി വലിയ താരനിരയാണ് ചിത്രത്തില് അണിനിരന്നിരിക്കുന്നത്.
അമല് നീരദ് പ്രൊഡക്ഷൻസിന്റെ ബാനറിൽ അമൽ നീരദ് തന്നെ നിർമിച്ചിരിക്കുന്ന ചിത്രത്തിന്റെ വിതരണം എ ആൻഡ് എയാണ് . വിവേക് ഹര്ഷൻ ആണ് ചിത്രത്തിന്റെ ചിത്രസംയോജനം.
അമല് നീരദും ദേവദത്ത് ഷാജിയും ചേര്ന്നാണ് ‘ഭീഷ്മ പര്വ’ത്തിന്റെ തിരക്കഥ എഴുതിയിരിക്കുന്നത്. ആനന്ദ് സി ചന്ദ്രനാണ് ചിത്രത്തിന്റെ ഛായാഗ്രാഹണം നിര്വഹിച്ചത്. സുഷിൻ ശ്യാം ആണ് ചിത്രത്തിന്റെ സംഗീത സംവിധാനം നിര്വഹിച്ചിരിക്കുന്നത്.
