കുന്ദമംഗലം സബ്ബ് ജില്ലയിൽ നിന്ന് ഈ വർഷം വിരമിക്കുന്ന അധ്യാപകർക്കും അനധ്യാപകർക്കുമുള്ള യാത്രയയപ്പ് കുന്ദമംഗലം ബ്ലോക്ക് ഓഡിറ്റോറിയത്തിൽ വെച്ച് നടന്നു. എച്ച് എം ഫോറത്തിന്റെ അഭിമുഖ്യത്തിൽ നടന്ന പരിപാടിയിൽ മുൻ വർഷങ്ങളിൽ സബ്ബ് ജില്ലയിൽ നിന്ന് വിരമിച്ച അധ്യാപകരുടെ സംഗമവും നടന്നു. വിവിധ വിദ്യാലയങ്ങളിൽ നിന്നുള്ള 9 സഹാധ്യാപകരും ഒരു അനധ്യാപകനുമാണ് ഈ വർഷം യാത്ര പറയുന്നത്. ചടങ്ങിൽ സംസ്കൃതം കൈയ്യെഴുത്ത് മാഗസിൻ മൽസരത്തിലെ വിജയികളെ അനുമോദിച്ചു. കുന്ദമംഗലം ഉപജില്ല വിദ്യാഭ്യാസ ഓഫീസർ ശ്രീ.കെ.ജെ പോൾ ഉൽഘാടനവും വിരമിക്കുന്നവർക്കുള്ള ഉപഹാര സമർപ്പണവും മാഗസിൻ വിജയി കൾക്കുള്ള സമ്മാനദാനവും നിർവ്വഹിച്ചു. ശ്രീ. സി.കെ.വിനോദ് കുമാർ , ജി.എസ് രോഷ്മ , യൂസുഫ് സിദ്ദിഖ്, ഇ.കൃഷ്ണൻ കുട്ടി, കെ പ്രേമൻ , കെ.കെ രാജേന്ദ്ര കുമാർ , ജയശ്രീ .കെ, റുഖിയ , രമേശ് ദേവകി, അയൂബ് എന്നിവർ ആശംസകൾ അർപ്പിച്ചു. വിരമിക്കുന്ന അധ്യാപകർ അവരുടെ സർവ്വീസ് കാലത്തെ ഓർമ്മകൾ പങ്കു വെച്ചു.
